މިދިޔަ ހޮނިހިރު ދުވަހު ޕީއެންސީން ބޭއްވި އެޕާޓީގެ އެތެރޭގެ އިންތިހާބުގައި ހިނގި ހަމަނުޖެހުމާއި ގުޅިގެން ތިން މީހަކު ހައްޔަރުކޮށްފިއެވެ.

ފުލުހުން ބުނީ އެ މައްސަލައިގެ ތުހުމަތުގައި، 2026 ޖުލައި 12 ވަނަ ދުވަހުގެ ރޭގެ ވަގުތެއްގައި ކޯޓު އަމުރެއްގެ ދަށުން ދެ މީހަކު ހައްޔަރުކޮށްފައިވާ ކަމަށެވެ އެއީ 23 އަހަރާއި 24 އަހަރުގެ ދިވެހި ފިރިހެނުން ކަމަށްވެސް ބުންޏެވެ.

ރޭގެ ވަގުތެއްގައި ހަމަ އެ މައްސަލާގައި 24 އަހަރުގެ އިތުރު ދިވެހި ފިރިހެނަކުވެސް ހައްޔަރުކުރިއެވެ.

ފުލުހުން ބުނީ އެ މީހުންގެ ބަންދާއި މެދު ގޮތެއް ނިންމަށް ކޯޓަށް ހާޒިރު ކުރުމުން 15 ދުވަސް ބަންދަށް ޖަހާފައިވާ ކަމަށެވެ.