ކުރިޔަށް އޮތް ލޯކަލް ކައުންސިލް އިންތިހާބާއި އަންހެނުންގެ ތަރައްގީއަށް މަސައްކަތްކުރާ ކޮމެޓީތަކުގެ އިންތިހާބުގައި ވާދަކުރާ ސަރުކާރު ކެންޑިޑޭޓުންނަށް ތާއީދު ހޯއްދަވައި ދެއްވާ ކެމްޕެއިން ކުރެއްވުމަށް ރައީސް ޑރ. މުހައްމަދު މުއިއްޒު ދޮރުން ދޮރަށް މިއަދު ފައްޓަވައިފިއެވެ.

މިއަދު ރައީސް ވަނީ މާލޭގެ މޭޔަރުކަމަށް ވާދަކުރައްވާ ޕީއެންސީގެ ކެންޑިޑޭޓު މޫސާ އަލީ ޖަލީލާއި އަދި މާފަންނު ހުޅަނގަށް ޕީއެންސީގެ ފަރާތުން ވާދަކުރައްވާ މާލޭގެ މިހާރުގެ ޑެޕިއުޓީ މޭޔަރު އަހްމަދު އަރީޝަށް ތާއީދު ހޯއްދެއްވުމަށް އެ ދާއިރާގެ ގެތަކަށް ދޮރުން ދޮރަށް ހިންގަވައިފައެވެ.

ޕީއެންސީން ބުނީ ކުރިޔަށް އޮތް ދުވަސްތަކުގައި ރައީސް މުއިއްޒު މާލޭގެ އެކި ސަރަހައްދުތަކުގައި ދޮރުން ދޮރަށް ހަރަކާތް ކުރިޔަށް ގެންދަވާނެ ކަމަށެވެ.

ޕީއެންސީގެ ކެންޑިޑޭޓުންނަށް ތާއީދު ހޯއްދެެއްވުމަށް ރައީސް މުއިއްޒު ދޮރުން ދޮރަށް ހިންގަވަނީ ——

ރައީސް މުއިއްޒު ޕީއެންސީގެ ކެންޑިޑޭޓުންނަށް ތާއީދު ހޯއްދެއްވުމަށް ދޮރުން ދޮރަށް ހަރަކާތް ފެއްޓެވިއިރު ރައީސްގެ އަނބިކަނބަލުން ސާޖިދާ އަންނަނީ ޖަގަހަ ހުޅުވުމުގެ ހަފްލާތަކުގައި ބައިވެރިވެވަޑައިގަންނަވަމުންނެވެ.