މޯލްޑިވިއަން ޑިމޮކްރެޓިކް ޕާޓީ (އެމްޑީޕީ)އިން އިވެންޓެއް ބޭއްވުމަށް މާލެއިން ތަނެއް ހަމަނުޖެހިގެން، ސަލްޓަން ޕާކު ހޯދުމަށް އެދިފައިވާތީ އެތަން އެ ޕާޓީއަށް ދީފައިވާ ކަމަށް ކޮންސްޓްރަކްޝަން، ހައުސިން އިންފްރާސްޓްރަކްޗަރު މިނިސްޓަރު ޑރ. އަބްދުﷲ މުއްތަލިބު ވިދާޅުވެއްޖެއެވެ.
މިނިސްޓަރު މުއްތަލިބު މިގޮތަށް ވިދާޅުވީ ސަރުކާރުން ތަނެއް ހަމަނުޖައްސައިފިނަމަ، އެ ޖަލްސާ މުލިއާގެ ކަންމަތީގައި ބާއްވާނެކަމުގެ އިންޒާރު އެމްޑީޕީގެ ޗެއާޕާސަން ފައްޔާޒު އިސްމާއިލް ދެއްވާފައިވަނިކޮށެވެ.
މުއްތަލިބު "އެކްސް"ގައި މިރޭ ކުރެއްވި ޕޯސްޓެއްގައި ވިދާޅުވީ ސަލްޓަން ޕާކަކީ މަރާމާތުކުރުމަށް ކޮންސްޓްރަކްޝަން މިނިސްޓްރީން އެދިގެން މާލޭ ސިޓީ ކައުންސިލުން ޙަވާލުކޮށްފައިވާ ތަނަކަށްވާތީ އެތަން މިހާތަނަށް ކުއްޔަށް ދީފައިނުވާނެ ކަމަށެވެ. އަދި ކުއްޔަށް ދިނުމަށް އުޞޫލެއް ކަޑައަޅާފައި ނުވާނެ ކަމަށް މިނިސްޓަރު ވިދާޅުވިއެވެ.
"ނަމަވެސް މޯލްޑިވިއަން ޑިމޮކްރެޓިކް ޕާޓީން އިވެންޓެއް ބޭއްވުމަށް މާލެއިން ތަނެއް ހަމަނުޖެހިގެން އެތަން ހޯދުމަށް އެދިފައިވާތީ ސަލްޓަން ޕާކުގެ އިވެންޓް ބާއްވާ ތަން އެޕާޓީއިން އެދިފައިވާ ގޮތަށް ދިނުމަށް މިހާރު ވާނީ ނިންމާފައެވެ،" މުއްތަލިބު ވިދާޅުވިއެވެ.
ރައީސް ނަޝީދު އެމްޑީޕީއާ ގުޅިވަޑައިގަންނަވާ ޖަލްސާ ބާއްވަން ނިންމާފައި ވަނީ އަންނަ ހޯމަ ދުވަހުގެ ރޭ އެވެ.
އަންރުވާ އިމާރާތް ބިމާ ހަމަކުރުން، ދިވެހި ސަރުކާރުން ކުށްވެރިކޮށްފި 
ބުޅާ ފެސިލިޓީ ނުބެލެހެއްޓޭ ނަމަ ކައުންސިލާ ހަވާލުކޮށްދޭން އެދިއްޖެ 
އެހެން އެއްވެސް ގައުމަކަށް ވުރެ ޗާގޯސް ހައްގުވަނީ ރާއްޖެއަށް 
އީޔޫ - އިންޑިއާ: ވިޔަފާރީގެ އެއްބަސްވުމެއް ގާއިމްކުރުމާއި ގާތަށް 
"ބުލީ"އަށްވުރެ އިސްކަންދެނީ އިހުތިރާމްކުރާ މީހުންނަށް: މެކްރޮން 
ބީޖޭޕީގެ ތާރީހުގައި ފުރަތަމަ ފަހަރަށް ޕާޓީގެ ރައީސްކަމަށް ޒުވާނެއް 