މިއަދު ކުރިޔަށްދިޔަ ބައި އިލެކްޝަންތަކުގެ ގިނަ ގޮނޑިތައް ސަރުކާރު ހިންގާ ޕާޓީ ޕީއެންސީގެ ކެންޑިޑޭޓުން ކާމިޔާބު ކުރައްވައިފިއެވެ.
މިއަދު ވަނީ ދެ ރަށެއްގެ ކައުންސިލްގެ ހުސްވެފައިވާ މެންބަރުކަމުގެ ގޮނޑިއާ 10 ރަށެއްގެ އަންހެނުންގެ ތަރައްގީއަށް މަސައްކަތް ކުރާ ކޮމެޓީތަކުން ހުސްވެފައިވާ ގޮނޑިއަށް މެންބަރުން އިންތިހާބު ކުރުމަށް ބައި އިލެކްޝަން ބާއްވައިފައެވެ.
މިއީ މިއަހަރުގެ ފުރަތަމަ ބައި އިލެކްޝަނެވެ. މި ބައި އިލެކްޝަނުގައި 37 ގޮނޑިއަށް މެންބަރުން އިންތިހާބު ކުރަން އޮތް ނަމަވެސް، އިންތިހާބަކާއި ނުލާ 24 ގޮނޑި ޕީއެންސީން ވަނީ ހޯދައިފައެވެ.
އިންތިހާބު ބާއްވާފައިވާ ދާއިރާތަކުގެ ތެރެއިން ޕީއެންސީން ވަނީ 9 ގޮނޑިއެއް ކާމިޔާބު ކޮށްފައެވެ.
ރައީސް ޑރ. މުހައްމަދު މުއިއްޒު އެކްސްގައި ކުރެއްވި ޕޯސްޓެއްގައި ވަނީ މިއީ ޕީއެންސީއަށް ލިބިގެންދިޔަ ވަރަށް ބޮޑު ކާމިޔާބީއެއްކަން ފާހަގަކުރައްވައިފައެވެ. އިންތިހާބު ކާމިޔާބު ކޮށްދެއްވުމަށް މަސައްކަތް ކުރެއްވި ބޭފުޅުންނާއި އިންތިހާބުގައި ސަރުކާރުގެ ކެންޑިޑޭޓުންނަށް ވޯޓު ދިން ފަރާތްތަކަށް އެމަނިކުފާނު ޝުކުރު އަދާކުރެއްވިއެވެ.
މި ބައި އިލެކްޝަނުގައި އިދިކޮޅު އެމްޑީޕީ އަށް ކާމިޔާބު ކުރެވުނީ ދެ ގޮނޑިއެވެ. އެއީ އދ. ހަންޏާމީދޫ އަދި ނ. މިލަދޫގެ ޑަބްލިއުޑީސީގެ ގޮނޑިއެކެވެ.
ޝަރަފުގެ އައްޑަނައިގެ ހައްގުވެރިންނަކީ ދިވެހި ރައްޔިތުން: މައުމޫން 
މިއަދަކީ އިންޑިއާގެ މަދަދުވެރިކަން ދާއިމަށް ހަނދާން ކޮށްދޭ ދުވަސް 
ގައުމަށްޓަކައި ގުރުބާންވެވޭނީ ޔުނީފޯމް އަޅައިގެން ތިބެގެނެއް ނޫން 
މާލޭ މީހުންނަށް ރަށްރަށުން ބިން ލިބުން ބޭނުންތެރި: ނަޝީދު 
ކޮޅުވެއްޓި ބަންޑުން ޖަހާލި ހާދިސާގައި އެކަކު މަރުވެއްޖެ 
