މާލޭ ގެއަކުން މީހަކު މަރުވެފައި އޮއްވާ މިއަދު ފެނިއްޖެއެވެ.

ގުލާބީމަގުގައި ހުރި ގެއެއްގެ ތެރޭގައި މަރުވެފައި އޮއްވާ ފެނުނީ މއ. ހުދުއަކިރި، ހަސަން، 53، އެވެ.

ފުލުހުން ބުނީ ގެއެއްގައި މީހަކު ހަބަރު ހުސްވެފައިވާކަމުގެ ރިޕޯޓް ލިބިގެން އޭނާ އައިޖީއެމްއެޗަށް ގެންދިޔަ ކަމަށާއި ގެންދިޔަ އިރުވެސް އޭނާ ނިޔާވެފައިވާ ކަމަށެވެ.

"މީހާގެ ބޭރު ފުށުން، އެއްވެސް އަނިޔާ އެއް ފެންނަން ނެތް ކަމަށް ހޮސްޕިޓަލުން މައުލޫމާދު ދީފައިވޭ،" ފުލުހުން ބުންޏެވެ.

އިއްޔެ ވެސް ހުޅުމާލެ ފަޅުތެރެއިން މީހަކު މަރުވެފައި އޮއްވާ ވަނީ ފެނިފައެވެ. މަރުވެފައި އޮއްވާ ފެނުނީ މަސްވެރިއެކެވެ.