އެއްވެސް ދާއިރާއަކުން ނޫސްވެރިކަމުގެ އެވޯޑު ދިނުމުގައި އިނާމު ދިނުމުގެ އުސޫލާ ހިލާފަށް އެއްވެސް ކަމެއް މޯލްޑިވްސް މީޑިއާ ކައުންސިލް (އެމްއެމްސީ)އިން ކޮށްފައިނުވާނެ ކަމަށް އެ ކައުންސިލުން ބުނެފިއެވެ.
ރައީސް މުއިއްޒުގެ ދޮންމަންމަ، ޖީ ސްކީލާން ރާއްޖެއިން ޑިޕޯޓްކޮށް، އޭނާއަށް ލިބެންޖެހޭ ހައްގުތައް ނިގުޅައިގެންފައިވާ ކަމަށް ބުނެ، "އަދަދު" ނޫހުން ތައްޔާރުކުރި ތަހުގީގީ ޑޮކިއުމެންޓްރީއަށް އެވޯޑު ދީފައި ވަނީ މިދިޔަ ބުދަ ދުވަހުގެ ރޭގައެވެ. އެވޯޑު ދިން ހަފްލާގައި ނައިބު ރައީސް ހުސައިން މުހައްމަދު ލަތީފާއި ރައީސް އޮފީހުގެ ސްޕޯކްސްޕާސަން ހީނާ ވަލީދާއި އެ އޮފީހުގެ ސުޓްރެޓެޖިކް މިނިސްޓަރު އިބްރާހިމް ހަލީލު ވެސް ބައިވެރިވެވަޑައިގެންނެވިއެވެ.
އެވޯޑު ދިނުމުގެ ހަފްލާއަށްފަހު، މިދިޔަ ހުކުރު ދުވަހު އެވޯޑު ދިނުމުގައި އިންސާފުކުރެއްވި ހަ ފަނޑިޔާރަކު ސޮއިކޮށް، ނެރުނު ނޫސްބަޔާނަށް ރައްދުދީ އެމްއެމްސީން ރޭ ވަނީ ބަޔާނެއް ނެރެފައެވެ.
އެ ބަޔާނުގައި ބުނެފައި ވަނީ އެވޯޑުގެ އިތުބާރު ހިފެހެއްޓުމަށްޓަކާ އެވޯޑަށް ހުށަހަޅާ އެއްޗެހި ކައުންސިލްގެ ރައީސް، ކައުންސިލްގެ ސެކްރެޓަރީ ޖެނަރަލް އަދި ކައުންސިލް މެންބަރުންނަށް ހިއްސާ ނުކުރާ ކަމަށާއި ފަނޑިޔާރުން ނެރެފައިވާ ކަމަށް ބުނާ ލިޔުމުގައި ތުހުމަތުކޮށްފައި ވަނީ ހަގީގަތާ ހިލާފު ވާހަކަތަކެއް ކަމަށެވެ.
ބަޔާނުގައި ފާހަަގަކޮށްފައިވާ ކަންކަން
- މީޑިއާތަކުން ސަމާލުވުމަށް އެދި ރިޔާސީ އިންތިހާބުގައި ނޫސްބަޔާން ނެރުނީ ޖީ ސްކީލަން ޑޮކިއުމަންޓްރީއާ ގުޅިގެނެއް ނޫން
- އެވޯޑަށް ހުށަހަޅާ ކޮންމެ ހުށަހެޅުމެއް ޑިސްކޮލިފައިކުރުމުގެ ބާރު ލިބެނީ ފަނޑިޔާރުންނަށް
- އެގޮތުން މިފަހަރު ތިން ދާއިރާއަކުން އެވޯޑު ނުދިނުމަށް ނިންމާފައިވޭ
- އެވޯޑު ހަފްލާއާ ހަމައަށް ފަނޑިޔާރުންގެ ފަރާތުން އެއްވެސް ކަންބޮޑުވުމެއް ކައުންސިލަށް ހުށަހަޅާފައެއް ނުވޭ
- ފާއިތުވި އަހަރުގެ ފަނޑިޔާރުންދީފައިވާ ރިޕޯޓުގެ ލަފަޔާއެއްގޮތަށް މާކިން ރުބްރިކްސް އިސްލާހުކޮށްފައިވާނެ
- އެވޯޑު ކަންކަން ބެލެހެއްޓުމަށް އޮޑިޓް ފާމެއް ހަމަޖެއްސެން ނެތީ ބަޖެޓުގެ ތާށިކަމާހުރެ
- ޖީ ސްކީލާން ޑޮކިއުމަންޓްރީއަށް އެވޯޑު ދިނީ އެކަމާ ގުޅޭ ޕެނަލްގައި ހިމެނޭ ހުރިހާ ފަނޑިޔާރުން ސޮއިކޮށް ކައުންސިލަށް ހުށަހެޅި މާކްސް ޝީޓްތަކުން އެވޯޑު ލިބޭ މިންވަރަށް މާކްސް ލިބިފައިވާތީ
އެމްއެމްސީއަކީ 2009 ވަނަ އަހަރު ފެށިގެން، ގާނޫނަކުން އުފައްދައި ހިންގަމުންދާ މިނިވަން މުއައްސަސާއެކެވެ. ރާއްޖޭގައި މީޑިއާގެ މިނިވަންކަން ދެމެހެއްޓުމާއި އެ މިިވަންކަމަށް އުނިކަން އަންނަ ކަންކަން ބަލައިފިޔަވަޅު އެޅުމަށް އުފައްދާފައިވާ ކައުންސިލުން ނޫސްވެރިކަމުގެ އެވޯޑު ދޭންފެށީ 2014 ވަނަ އަހަރުން ފެށިގެންނެވެ.
ތިލަފުށި ބަލައިފާސްކޮށް، 33 ބިދޭސީއަކު އިމިގްރޭޝަންގެ ބެލުމުގެ ދަށަށް 
ފިރިހެން ކުއްޖަކާ ބެހިގެން ޖަލަށްލި މީހަކު ބޭސްފަރުވާއަށް ގޭބަންދަށް 
ލަމްހާ ދޫކޮށްލި މައްސަލަ ބަލަންޖެހޭ ސަބަބެއް ނެތް: ހައި ކޯޓް 
އިސްލާމީ މަރުކަޒުގެ މަސްފެންގަނޑު މަރާމާތުކޮށް ނިންމާލައިފި 
އަސްކަރީ ގުޅުން އިތުރު ކުރުމަށް ރާއްޖޭން ޕާކިސްތާނާއެކު މަޝްވަރާކޮށްފި 
ޑިމޮކްރަސީގެ "އިރު" އޮއްސިއްޖެ: ޝާހިދު 
