ދ. ކުޑަހުވަދޫ އާއި ނިޔާމަ ރިސޯޓާ ދެމެދުން ދަތުރުކޮށްފައި ދިޔަ މުދާ އުފުލާ އުޅަނދެއްގައި ރޯވި އަލިފާން ސިފައިން ނިންވާލައިފިއެވެ.

މިއަދު ހެނދުނު 7:15 އެހާކަންހާއިރު މުދާ ބަރުކޮށްފައި ހުރި ދޯންޏެއްގައި އަލިފާން ރޯވުމާ އެކު އެ ސަރަހައްދަށް ފުލުހުން ވެސް ދިޔައެވެ. އަދި ކޯސްޓްގާޑުގެ އުޅަނދަކުން ވަނީ އެ ދޯންޏަށް ފެން ޖަހައި އަލިފާން ނިއްވާލާފައެވެ.

އަލިފާން ނިއްވުމަށް ވަރަށް ގިނަ އިރުތަކެއް ހޭދަވިއެވެ. އަލިފާން ނިއްވާލެވުނީ އިންޖީނު ރޫމްގައި ރޯވި އަލިފާން ދޯންޏަށް ފެތުރިފައިވަނިކޮށެވެ.

އެ ހާދިސާގައި މީހަކަށް މީހަކަށް ގެއްލުމެއް ނުވެއެވެ.