އާސަންދަ ހަމަޖައްސައިދޭނެ ކަމަށް ބުނެ، އޮޅުވާލައިގެން މާލޭވެ ގެއަކަށް މީހަކު ވައްދައި ފޭރެން އުޅެފިއެވެ.

ޖުމްހޫރީ މައިދާނުން ދިމާވި މީހަކު ގެއަކަށް ގެންގޮސް، ފޭރެން އުޅުނު މައްސަލާގައި ހައްޔަރުކޮށްފައި ވަނީ ގދ. ތިނަދޫ، ވެސްޓްސައިޑް، އިއްފަތު މުހައްމަދު، 41، އެވެ. އޭނާގެ ބަންދަށް 15 ދުވަސް އިއްޔެ ވަނީ ޖަހާފައެވެ.

ކްރިމިނަލް ކޯޓުން އޭނާގެ ބަންދުގެ މުއްދަތު ޖެހި އަމުރުގައި ބުނެފައި ވަނީ އާސަންދަ ހަމަޖައްސައިދޭނެ ކަމަށް ބުނެ، އެ މީހާ ގޮވައިގެން ގެންދިޔައީ ފިނިހިޔާ ގޯޅީގައި ހުރި ގެއަކަށް ކަމަށާއި އެ ގެއަށް އޭނާ ވައްދައި އެ މީހާގެ ފޯނާއި ފައިސާ އަތުލުމަށް މަސައްކަތް ކުރި ކަމަށެވެ.

"އަތުގައި އޮތް ގަލަމެއް މީނާގެ ކަރުގައި ޖައްސާ ހަޅޭނުލެވުމަށް ބުނި ކަމަށް ހަދިސާގެ ރިޕޯޓުން އެނގެން އޮވެއެވެ." ކްރިމިނަލް ކޯޓުގެ އަމުރުގައިވެއެވެ.