ތިން ސަތޭކަ ނުވަދިހަ ފަސް މިލިއަން ޑޮލަރުން 444 މިލިއަން ޑޮލަރަށް ރިޒާވް އިތުރުވެއްޖެއެވެ.

މަރުކަޒީ ބޭންކް (އެމްއެމްއޭ) އިން މިއަދު ނެރުނު ތަފާސް ހިސާބުތައް ދައްކާ ގޮތުގައި ރާއްޖޭގެ ޔޫޒަބަލް ރިޒާވަށް ކުރިއެރުންތަކެއް ވަނީ ލިބިފައެވެ. އެގޮތުން 45 މިލިއަން ޑޮލަރުގައި ހުރި ޔޫޒަބަލް ރިޒާވް މިހާރު ހުރީ 61 މިލިއަން ޑޮލަރުގައެވެ.

ނަމަވެސް މި އަދަދަކީ ގާތްގަނޑަކަށް އެއްމަހުގެ އިމްޕޯޓަށްވާ އަދަދެކެވެ.

ރާއްޖޭގެ އިގްތިސޯދީ ހާލަތު ރަނގަޅު ކުރުމަށްޓަކައި ސަރުކާރުން އަންނަނީ ގިނަ މަސައްކަތްތަކެއް ކުރަމުންނެވެ. ރައީސް ޑރ. މުހައްމަދު މުއިއްޒު ވަނީ އެކަމަށްޓަކައި ހާއްސަ ފިޔަވަޅުތަކެއް އެޅުއްވުމަށް ނިންމަވާ އެކަންކަން އިއުލާން ކުރައްވަވައިފައެވެ.