ވަގުތު ދެވެން ނެތުމުން ކަމަށް ވިދާޅުވެ، ސަރުކާރު ހިންގާ މައިޕާޓީގެ ޑެޕިއުޓީ ޕާލިމަންޓްރީ ގްރޫޕްގެ ލީޑަރުގެ މަގާމުން އަހްމަދު ތާރިގް އިސްތިއުފާ ދެއްވައިފިއެވެ.
ތާރިގް އެ މަގާމުން އިސްތިއުފާ ދެއްވިކަން ޕީއެންސީގެ ޕީޖީ ލީޑަރު އިބްރާހީމް ފަލާހް ވެސް ވަނީ މީޑިއާތަކަށް ކަށަވަރު ކޮށްދެއްވަވައިފައެވެ. ނަމަވެސް ސީދާ އިސްތިއުފާ ދެއްވި ސަބަބެއް ވިދާޅެއްނުވެއެވެ.
އެކަމާއި ގުޅޭ ގޮތުން ތާރިގް މިއަދު އެކްސްގައި ކުރެއްވި ޕޯސްޓެއްގައި ވިދާޅުވީ ޕީއެންސީގެ ޑެޕިއުޓީ ޕީޖީ ލީޑަރުގެ މަގާމުން އިސްތިއުފާ ދެއްވީ، އަމިއްލަ ކަންކަން މިވަގުތު ހުރި ގޮތުން އެ މަސްއޫލިއްޔަތު އަދާކުރުމަށް ވަގުތު ދެވެން ނެތުމުގެ ކަމަށެވެ.
ތާރިގަކީ ރައްޔިތުން މަޖިލީހުގެ ރިޔާސަތު ބަލަހައްޓަވާ މަޖިލިސް މެންބަރުންގެ ތެރޭގައިވެސް ހިމެނިވަޑައިގަންނަވާ މެންބަރެކެވެ.
ޑެޕިއުޓީ ޕާލިމަންޓްރީ ގްރޫޕްގެ ލީޑަރުގެ މަގާމަށް ތާރިގް އައްޔަން ކުރެއްވީ އެޕާޓީގެ ރައީސް، ރައީސް ޑރ. މުހައްމަދު މުއިއްޒުއެވެ.
ޑިންގީއެއްގައި ނިކުތް މީހެއްގެ ހަބަރެއް ނުވެގެން ހޯދަން ފަށައިފި 
ހަނގުރާމައިގެ ބޭނުމަށް ވައިގެ ސަރަހައްދު ބޭނުންކުރާކަށް ނުދޭނަން 
ފެންނަ ނުފެންނަ ވޯޓާ މެދު އަލުން ވިސްނުމަށް ގޮވާލަން: ނަޝީދު 
ހަނގުރާމައާ ގުޅިގެން އާމްދަނީއަށް ކޮށްފާނެ އަސަރުތައް ބަލަނީ 
ރައީސް އަޅުގަނޑަށް ތާއީދުކުރާ ކަމަށް ބުނެފައެއް ނޯންނާނެ: ޣާލިބް 
ރައީސްގެ ތާއީދު އޮތީ ޕީއެންސީގެ ކެންޑިޑޭޓުންނަށް އެކަނި 
