އއ. ރަސްދޫގައި ހަށިވިއްކަމުންދިޔަ ކަމަށް ބުނާ މަސާޖު ޕާލާއެއް ބަންދުކޮށް، ބިދޭސީ ދެ އަންހެނުންނާ އެކު، ބިދޭސީ ފިރިހެނަކު ހައްޔަރުކޮށްފިއެވެ.
ފުލުހުން ބުނީ އިކޮނަމިކް މިނިސްޓްރީގައި ރަޖިސްޓްރީނުކޮށް، ރަސްދޫ، ޝާހިލްގޭގައި "ބްލޫ ވެލި ސެލޫން އެންޑް ސްޕާ"އެއް ހިންގާކަމުގެ ރިޕޯޓް ރޭ 11:30 ހާއިރު ފުލުހުންނަށް ހުށަހަޅާފައިވާ ކަމަށެވެ. އެތަނުގައި ބިދޭސީން ބޭނުންކޮށްގެން ހަށިވިއްކާކަމުގެ ޝަކުވާ ވެސް ކޮށްފައިވާ ކަމަށް ފުލުހުން ބުންޏެވެ.
"މި މައްސަލައާ ގުޅިގެން ކޯޓް އަމުރެއްގެ ދަށުން، ބްލޫ ވެލި ސެލޫން ބަލާއިފާސްކޮށް، ހަށި ވިއްކާކަމުގެ ތުހުމަތުގައި އުމުރުން 42 އަހަރުގެ އަދި 27 އަހަރުގެ ބިދޭސީ ދެ އަންހެނުންނާއި 28 އަހަރުގެ ބިދޭސީ ފިރިހެނަކު ހައްޔަރުކޮށްފައިވެއެވެ،" ފުލުހުން މީޑިއާތަކަށް ފޮނުވި މެސެޖުގައިވެއެވެ.
ފުލުހުން ބުނީ އެ މައްސަލަ އިތުރަށް ތަހުގީގު ކުރަމުންދާ ކަމަށެވެ.
ހަށިވިއްކާ ތަންތަން ދެނެގަނެ، އެތަންތަން ބަންދުކުރުމުގެ މަސައްކަތް ފަހަކަށް އައިސް ސަރުކާރުން ވަނީ ފަށާފައެވެ. ފާހިޝް އަދި ނަހަމަ ޖިންސީ އަމަލުތަކަށް ހިތްވަރު ލިބޭ ވެބްސައިޓުތައް ވެސް ސަރުކާރުން ވަނީ ބަންދުކޮށްފައެވެ.
"ޖުޑީޝަރީއަށް އަޅުގަނޑު ނުފޫޒު ފޯރުވައޭ ބުނާނެ ފަނޑިޔާރަކު ނުހުންނާނެ" 
ހާއްސަ ހާލަތްތަކުގައި ޕެންޝަން ފައިސާ ބޭނުންކުރެވޭ ގޮތް ހަދަނީ 
ސެލޫނަކަށް ވަދެ، މާރާމާރީ ހިންގި ފުލުހަކު ހައްޔަރުކޮށްފި 
މީހެއްގެ ވައިބާ ކޮމްޕްރޮމައިޒް ކޮށްގެން ފައިސާ ހޯދި މީހަކު ހައްޔަރަށް 
ޔުނީފޯމަށް ގެނައި ބަދަލާ ނަޝީދު ދެކޮޅު! 
ކުރީގެ ރައީސުންނަށް ދޭ އިނާޔަތުގެ ބައެއް ކަނޑާލަން ނިންމައިފި 
