މާލީ އެޑްވައިޒަރުންގެ މަގާމަށް ރައީސް ޑރ. މުހައްމަދު މުއިއްޒު ދެ ބޭފުޅަކު އައްޔަން ކުރައްވައިފިއެވެ.
ރައީސް އޮފީހުން މިއަދު ބުނީ އެ ދެ މަގާމަށް އައްޔަން ކުރެއްވި ދެ ބޭފުޅުންނަކީ މުސްތަރީގެ، ކ. މާފުށި / އަހްމަދު ނަސީރާއި، ދަފްތަރު ނަންބަރު ރސ 99031 / އަހްމަދު މުނައްވަރު ކަމަށެވެ. އެ ދެބޭފުޅުންނަށް މަގާމުގެ ފަތްކޮޅު ދެއްވުމަށް ރައީސް އޮފީހުގައި ވަނީ ހާއްސަ ރަސްމިއްޔާތެއް ބާއްވައިފައެވެ.
މި ދެ ބޭފުޅުން ފިނޭންސް މިނިސްޓަރުގެ އެޑްވައިޒަރުގެ މަގާމަށް އައްޔަން ކުރައްވާފައި ވަނީ މިނިސްޓަރު ފެންވަރުގައެވެ. ރައީސް އޮފީހުން ބުނީ އެ ދެ ބޭފުޅުންގެ މަސްއޫލިއްޔަތަކީ ވަޒީރުންނަށް ބޭނުންވާ މާލީ އިރުޝާދު ދިނުން ކަމަށެވެ.
ރައީސް މުއިއްޒު މި ދެ ބޭފުޅުން އައްޔަން ކުރެއްވިއިރު ނަސީރަކީ މަރުކަޒީ ބޭންކް އެމްއެމްއޭގެ ގަވަރުނަރުގެ މަގާމު އަދާކުރެއްވި ބޭފުޅެކެވެ. އަދި މުނައްވަރަކީ ޕީޕީއެމްގެ ވެރިކަމުގައި ފިނޭންސް މިނިސްޓަރުގެ މަގާމު ފުރުއްވާފައި ބޭފުޅެކެވެ.
ވެރިކަން ލިބުނަސް ދޫކޮށްލާނަން, ޓިކެޓް ދޭނީ ރައީސަށް: އަބްދުއްރަހީމް 
އެމްޑީޕީގެ ރިޔާސީ ޕްރައިމަރީގައި ވާދަކުރައްވަން ފައްޔާޒު ނިންމަވައިފި 
ބޯކޮށް ވާރޭ ވެހި މާފަރުގެ ބައެއް ގެތަކަށް ގެއްލުންވެއްޖެ 
ޕީއެންސީ އެތެރޭ އިންތިހާބުގައި ހަމަނުޖެހުން ހިންގައިފި 
ތިލަފުށި ބަލައިފާސްކޮށް، 33 ބިދޭސީއަކު އިމިގްރޭޝަންގެ ބެލުމުގެ ދަށަށް 
ފިރިހެން ކުއްޖަކާ ބެހިގެން ޖަލަށްލި މީހަކު ބޭސްފަރުވާއަށް ގޭބަންދަށް 
