އިންޑިއާގެއ ހައިކޮމިޝަަނާ ގުޅޭ ގޮތުން ދޮގު ހަބަރު ފަތުރާތީ ފިޔަވަޅު އަޅައިދޭން އެދިއްޖެއެވެ.

އިންޑިއާގެ އެމްބަސީ އަށް ދާ ދިވެހިން ގާތުގައި އިންތާހުބު ދެ ވަނަ ބުރުގައި ވޯޓުލަނީ ކާކަށްތޯ އޮޅުން ފިލުވަމުންދާ ކަމަށް ބުނެ ރާއްޖޭގެ ނޫހަކުން ވަނީ ރިޕޯޓްކޮށްފައެވެ.

އެ ހަބަރުގެ ސްކްރީން ޝޮޓްތައް "އެކްސް"ގައި ހިއްސާކުރުމަށް ފަހު ހައިކޮމިޝަނުން ކުރި ޓްވީޓެއްގައި ބުނީ އިންޑިއާ އާއި ރާއްޖޭގެ ގުޅުން ބަދުނާމުކުރުމަށް އޮންލައިން ޕްލެޓްފޯމްތަކުގައި ފަތުރަމުންދާ ދޮގު ހަބަރުތައް ދޮގުކުރާ ކަމަށެވެ.

އެެހެންކަމުން ދޮގު ހަބަރު ފަތުރާ ފަރާތްތަކާއި މެދު ފިޔަވަޅު އަޅައިދޭން ފޮރިން މިނިސްޓްރީ އަދި މީޑިއާ ކައުންސިލުގައި ހައިކޮމިޝަނުން ވަނީ އެދިފައެވެ.