އިދިކޮޅު، ޕީއެންސީގެ ރިޔާސީ ކެންޑިޑޭޓް ޑރ. މުހައްމަދު މުއިއްޒަށް އއ. މަތިވެރިން ހަމަލާ ދޭން އުޅުނު ކަމަށް ބުނާ މީހަކު ފުލުހުން ހުއްޓުވައިފިއެވެ.

މުއިއްޒަށް ހަމަލާދޭން އުޅުނީ މަތިވެރިއަށް އޭނާ ވަޑައިގެން، މަރުހަބާ ކިޔަން ނުކުމެ، ތިބި ސަޕޯޓަރުންގެ ސަފުތެރެއަށް ވަދެއެވެ. މުއިއްޒު ސަލާމް ކުރައްވަމުން ގެންދަވަނިކޮށް، އޭނާއާ ދެކޮޅު ސަޕޯޓަރެއް ސަފުގައި ހުރިކަން އަރިހުގައި ތިއްބެވި ބޭފުޅުން ފާހަގަ ކުރެއްވުމުން، އެ ހިސާބުން ހަމަނުޖެހުމެއް އުފެދުނެއެވެ.

އާންމުވެފައިވާ ވީޑިއޯތަކުން ފެންނަ ގޮތުން، ސަފުގައި ހުރި މީހާ އެތަނުން ދުރަށް ޖައްސަން އުޅުމުން ޒުވާބުކޮށް ހަމަނުޖެހުން ހިނގަން އުޅުމުން ފުލުހުން ވަނީ އޭނާ ހައްޔަރުކޮށްފައެވެ.