އަންނަ ހޮނިހރު ދުވަހު އޮންނަ ރިޔާސީ އިންތިހާބުގައި ވާދަކުރައްވާ ޕީޕީއެމް/ޕީއެންސީގެ ރިޔާސީ ކެންޑިޑޭޓް ޑރ. މުހައްމަދު މުއިއްޒުގެ ކެމްޕެއިން ހަރަކާތްތަކުގައި ކުރީގެ ރައީސް ޔާމީންގެ އަނބިކަނބަލުން ފާތިމަތު ރަސްމީކޮށް ބައިވެރިވެވަޑައިގަންނަވަން ނިންމަވައިފިއެވެ.

ކާނިވާ ސަރަހައްދުގައި ހުންނަ ޕީޕީއެމްގެ މައި ޖަގަހާގައި މިރޭ 8:30 ފަށާ ޖަލްސާގައި ކުރީގެ ފަސްޓް ލޭޑި ފާތިމަތު ބައިވެރިވެވަޑައިގަންނާވަނެކަން ޕީއެންސީގެ ތަރުޖަމާނު ހީނާ ވަލީދު ވަނީ ޔަގީންކޮށްދެއްވާފައެވެ.

ނަމަވެސް ޖަލްސާގައި ވާހަކަގައި ދައްކަން ހަމަޖެހިފައި ނުވާ ކަމަށް ހީނާ ވިދާޅުވިއެވެ.

ކުރީ ސަރުކާރުގައި ސިޔާސީ ކަންކަމުގައި އިސްކޮށް އުޅުއްވި ފާތުން ސިޔާސީ މައިދާނަށް ނިކުމެވަޑައިގަންނަވަނީ ގިނަ އަހަރުތަކެއް ފަހުންނެވެ. ކުރީގެ ސަރުކާރުގައި ސިޔާސީ ކަންކަމުގައި ފާތުން އިސްކޮށް އުޅުއްވިއެވެ.