މިއަދު މެންދުރު ހުޅުމާލެ މަތިން، އާދަޔާ ހިލާފަށް ތިރިން ދަތުރުކޮށްފައިވަނީ ހަނގުރާމަ މަތީ ޖެޓްތަކެއް ކަމަށް އެމްއޭސީއެލުން ބުނެފިއެވެ.

ހުޅުލޭއަށް ޖެއްސި އިޓަލީގެ ފައިޓާ ޖެޓެއް

މެންދުރު 12 ޖެހިހާއިރު ހުޅުމާލެ މަތިން ވަރަށް ބާރުގަދަ އަޑުފައްގަނޑަކާއެކު އެއްޗެއް އުދުހިފައި ދިޔަ އަޑެއް އިވުނެވެ. ބެލެވޭ ގޮތުގައި އެ ދިޔައީ އެއާޕޯޓުގައި ޖައްސާށެވެ. މަންޒަރު ދުށް ބައެއް މީހުން ބުނާ ގޮތުންނާއި ޝޯޝަލް މީޑިއާގައި ދައުރުވާ ފޮޓޯތަކުން ފެންނަ ގޮތުން އެ ޖެޓްތައް އުދުހިފައި ދިޔައީ ވަރަށް ތިރިންނެވެ.

"ވަރަށް އަޑުގަދަ. އެހާ ތިރިން ދިޔައީ. އަޑުގަދަކަމުން ކުޑަކުދިން ވެސް ބިރުގަތް" މަންޒަރު ދުށް މީހަކު "ހަތާވީސް" އަށް ކިޔައިދިނެވެ.

ވެލާނާ އެއާޕޯޓް ހިންގާ ކުންފުނި، އެމްއޭސީއެލްގެ މީޑިއާ އޮފިޝަލް ޝައްމާން ޝާކިރު އެމްއޭސީއެލްގެ އޮފިޝަލަކު "ހަތާވީސް" އަށް ވިދާޅުވީ އެއާޕޯޓަށް ފްލައިޓްތައް ޖައްސަނީ އޭވިއޭޝަންގެ އޮތޯރިޓީގެ ހުއްދަ ލިބިގެން ކަމަށެވެ. އެ ހުއްދަ ދިނުމުން އެ އުޅަނދަކަށް ހިދުމަތްދެމުންދާ ކަމަށް ޝައްމާން ވިދާޅުވިއެވެ. މިއަދު ޖެއްސި ޖެޓްތަކަކީވެސް ހުއްދަ ލިބިގެން ޖެއްސި ޖެޓްތަކެކެވެ. އެކަމަކު އެ މަތިންދާ ބޯޓަށް ދިނީ ކޮން ހިދުމަތްތަކެއް ކަމެއް އޭނާއެއް ނުބުނެއެވެ.

ހުޅުޅެއަށް ޗެއްސުމަށްފަހު، ޖެޓު ނައްޓާލަނީ

އެނގިފައިވާ ގޮތުން ހުޅުމާލެ މަތިން ދަތުރުކޮށްފައިވަނީ އިޓާލީ އެއާފޯސްގެ ހަތަރު މަތިންދާ ބޯޓެވެ.