މި މަހު އޮންނަ އެމްޑީޕީގެ ރިޔާސީ ޕްރައިމަރީގައި ވާދަކުރައްވާ ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހު، ބައިވެރިވެވަޑައިގަންނަވާ ކެމްޕެއިން ޖަލްސާއެއް މިރޭ މާލޭގައި ބާއްވާ ގޮތަށް ހަމަޖައްސައިފިއެވެ.

ރައީސް ސޯލިހުގެ ކެމްޕެއިން ޓީމުން ބުނީ އެ ޖަލްސާ އޮންނާނީ މިރޭ ހެންވޭރު އާޓްފިޝަލް ބީޗު ސަރަހައްދުގައި ކަމަށެވެ. ޖަލްސާ ފެށޭނީ މިރޭ 20:30ގައި ކަމަށް ވެސް އެ ޓީމުން މައުލޫމާތުދެއެވެ. މި ޖަލްސާގައި ރައީސް ސޯލިހު ބައިވެރިވެވަޑައިގަންނަވާއިރު މިއީ މާލޭގައި މިފަދައިން ބާއްވާ ކެމްޕެއިންގެ ފުރަތަމަ ޖަލްސާއެވެ.

އެހެންނަމަވެސް މީގެކުރިން ވެސް އެމްޑީޕީގެ މައި ހަރުގޭގައި ރައީސް ސޯލިހު ބައިވެރިވެވަޑައިގެންނެވި ޖަލްސާއެއް އޮތެވެ. އަދި މާލެ އާއި ހުޅުމާލޭގެ އެކި ސަރަހައްދުތަކަށް ވަޑައިގެން ކެމްޕެއިން ޓީމުތަކާއި ބައްދަލުކުރެއްވިއިރު ވެސް އެމަނިކުފާނު ވާހަކަފުޅުދައްކަވާފައިވެއެވެ.

https://twitter.com/MDPKuriah/status/1616295214087573505?s=20&t=go1sTG7hFe7TiowsA30nag

މިރޭ މާލޭގައި ރައީސް ސޯލިހުގެ ޖަލްސާއެއް ބާއްވާއިރު ރޭ އެމަނިކުފާނު ވަނީ ލ. އަތޮޅަށް ވަޑައިގެންފައެވެ. ލ. އަތޮޅަށް އެމަނިކުފާނު ވަޑައިގަތީ ބޮޑު ތިލަދުންމައްޗާއި ށ. އަތޮޅުގެ ބައެއް ރަށްތަކަށް ވަޑައިގަތުމަށްފަހުއެވެ.

ރައީސް ސޯލިހާއެކު އެމްޑީޕީގެ ރިޔާސީ ޕްރައިމަރީގައި ދެން ވާދަ ކުރައްވަނީ ރައްޔިތުން މަޖިލީހުގެ ރައީސް، ރައީސް މުހައްމަދު ނަޝީދެވެ. އެމްޑީޕީގެ ޕްރައިމަރީ އޮންނާނީ މިމަހު 28ވަނަ ދުވަހުއެވެ.