ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ސަރުކާރުގެ ހެލްތު މިނިސްޓްރީގެ ސްޓޭޓް މިނިސްޓަރުގެ މަގާމަށް ޒީނާޒު އަދުނާން އައްޔަންކުރައްވައިފިއެވެ.
ޒީނާޒަކީ މީގެކުރިން ލޯކަލް ގަވަނަންސް މިނިސްޓަރުގެ މަގާމުގައި ހުންނެވި އާދަމް ޝަރީފް އުމަރުގެ އަނބިކަނބަލުންނެވެ. ސަރުކާރުގެ ފަރާތުން މި އައްޔަންކުރުމާ ގުޅޭގޮތުން ރަސްމީކޮށް އަދި އެއްޗެއް ހާމަކޮށްފައި ނުވި ނަމަވެސް، ޒީނާޒަށް އެ މަގާމު ދެއްވާފައިވާކަން "ހަތާވީސް" އަށް މިހާރު ވަނީ ކަށަވަރުވެފައެވެ.
ޒީނާޒަކީ މި ސަރުކާރުގެ ކުރީކޮޅު ވެރިކަން ކުރާ ޕާޓީ، ޕީއެންސީގެ ސެކެޓްރީ ޖެނެރަލްގެ މަގާމުވެސް ފުރުއްވި ބޭފުޅެކެވެ. ނަމަވެސް ފަހުން ވަނީ އެ މަގާމަށް އާ ބޭފުޅަކު އައްޔަންކުރައްވާފައެވެ.
ޒީނާޒުގެ ފިރިކަލުން އާދަމް ޝަރީފް އުމަރު ވަނީ ދާދިފަހުން ލޯކަލް ކައުންސިލް އިންތިހާބުގައި ސަރުކާރަށް ކުރިމަތިވި ނާކާމިޔާބީއާ ގުޅިގެން، ރައީސް ގެންނަވަން ނިންމެވި ބަދަލުތަކަށް އެއްބާރުލުން ދިނުމުގެ ގޮތުން ވަޒީރުކަމުގެ މަގާމުން އިސްތިއުފާ ދެއްވާފައެވެ.
އާދަމް ޝަރީފް ވަޒީރުކަމުން އިސްތިއުފާ ދެއްވި ނަމަވެސް، ރައީސުލްޖުމްހޫރިއްޔާ މިހާރު ވަނީ ގަތަރުގައި ހުންނަވާ ރާއްޖޭގެ ސަފީރުކަމަށް އޭނާ އައްޔަންކުރެއްވުމަށް ރުހުން ހޯދުމަށް ރައްޔިތުންގެ މަޖިލީހަށް ނަން ފޮނުއްވާފައެވެ.
ބޭރުގެ އިންޖިނިއަރެއް ގެންނަން ބުނި އަމީނީމަގު ހެދުމަށް އެމްޓީސީސީއަށް 
އިސްލާމީ މަރުކަޒުގެ އިމާމުކަމުން ޝެއިހް އިބްރާހީމް ވަކިވެވަޑައިގެންފި 
އަލަށް އިންތިހާބުވި ކައުންސިލާއެކު ތަރައްގީގެ އާ ބާބެއް ފެށިގެންދާނެ 
އެމްޑީޕީ ހިންގުމަށް ހެޔޮ ބަދަލު ގެނައުމަށް ކޮމެޓީއެއް 
އިންޑިއާ-ރާއްޖެ: އިގްތިސާދީ ގުޅުން ބަދަހިކުރުމުގެ ބައްދަލުވުމެއް 
މާފަންނުގައި ހުރި ގެއެއްގައި ރޯވި އަލިފާންގަނޑު ނިއްވާލައިފި 
