ރައްޔިތުންގެ މަޖިލީހުގެ ނައިބު ރައީސް އަހުމަދު ނާޒިމް އެ މަގާމުން ދުރުކުރުމަށްޓަކައި، މަޖިލީހުގެ މެޖޯރިޓީ އޮތް ޕީއެންސީގެ ޕާލަމެންޓްރީ ގުރޫޕުން މިއަދު ނިންމައިފިއެވެ.
"ހަތާވީސް" އަށް ޕީއެންސީ ޕީޖީ މެންބަރަކު ވިދާޅުވީ ނާޒިމް މަގާމުން ދުރު ކުރުމަށްޓަކައި ބޭނުންވާ ސޮއިވެސް ހަމަކޮށްފައިވާ ކަމަށެވެ.
މަޖިލީހުގެ ގަވާއިދު ބުނާގޮތުން، މަޖިލީހުގެ ރައީސް ވަކިކުރަން މަދުވެގެން 24 މެންބަރުންގެ ސޮއި ބޭނުންވި ނަމަވެސް، ނައިބު ރައީސް މަގާމުން ދުރުކުރެވޭނީ ޖަލްސާއަށް ހާޒިރުވެ ވޯޓުދޭ މެންބަރުންގެ އަޣުލަބިއްޔަތުންނެވެ.
މިހާރު އޮތް 93 މެންބަރުންގެ މަޖިލީހުގައި ޕީއެންސީގެ 76 މެންބަރުން ތިއްބަވައެވެ. މީގެ އިތުރުން، ނާޒިމް ވަކިކުރުމުގެ މި ނިންމުމާއެކު، ޕީއެންސީގެ ވަޓްސްއެޕް ގުރޫޕުން ވެސް މިއަދު ހެނދުނު އޭނާ ވަނީ ވަކިކޮށްފައެވެ.
މިހާރު ހިނގަމުންދާ 20 ވަނަ ރައްޔިތުންގެ މަޖިލީހުގެ ނައިބު ރައީސްކަމަށް ނާޒިމް އިންތިހާބުވީ 28 މޭ 2024 ގައި ބޭއްވި ވޯޓުގައި 80 މެންބަރުންގެ ތާއީދާއެކުގައެވެ. މީގެ ކުރިން 17 ވަނަ ރައްޔިތުންގެ މަޖިލީހުގައި ވެސް ނާޒިމް ވަނީ ނައިބު ރައީސްކަމުގެ މަގާމު ފުރުއްވާފައެވެ.
އިންޑިއާއާއެކު އޮތް ގުޅުން އިތުރަށް ބަދަހި ކުރާނަން: ރައީސް 
ކައުންސިލްތަކުގެ އަތުން ބިން ނަގާ އިސްލާހާ ދެކޮޅަށް ސޮއި ހަމަވެއްޖެ 
ކާރިސާތަކުގައި އެހީވުމަށް އިންޑިއާއިން ދައްކުވައިދޭ ނަމޫނާ! 
ދޯނި އަޑިއަށް ދިޔަ ފުންމިނުގައި އަސްކަރީ ސަބްމެރިންވެސް ދަތުރުނުކުރާނެ 
އެމްޑީޕީގެ ރައީސްކަމުން ޝާހިދު އިސްތިއުފާ ދެއްވައިފި 
ރައީސާ ބައްދަކުރަން ބޭނުންވާ ފަރާތްތަކުގެ ބައްދަލުވުންތައް ފަށައިފި 
