ދިވެހިރާއްޖޭގެ ގައުމީ ޔުނިވާސިޓީގެ ދަނާލުގައި ނިޔާވި 18 އަހަރުގެ ދަރިވަރުގެ ޒާތީ މައުލޫމާތުތައް ހާމަކުރަން ސަރުކާރަށް މަޖުބޫރުވީ ސޯޝަލް މީޑިއާގައާއި އާންމުންގެ މެދުގައި އޮތް ކަންބޮޑުވުންތަކާއި ޕްރެޝަރު ބޮޑުވުމުން ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު މިއަދު ބަޔާންކުރައްވައިފިއެވެ.

މިދިޔަ ހޯމަ ދުވަހުގެ ރޭ ހިނގި މި ހާދިސާއާ ގުޅިގެން ހޯމް މިނިސްޓްރީން ބޭއްވި ނޫސްވެރިންގެ ބައްދަލުވުމުގައި، އެ ކުއްޖާ "ހެލްޕް ލައިން" އަށް ފޮނުވި މެސެޖުތަކުގެ ތަފްސީލު މިނިސްޓަރު އަލީ އިހުސާން ވަނީ ހިއްސާކުރައްވާފައެވެ. މިއަދު ރައީސް އޮފީހުގައި ބޭއްވި ބައްދަލުވުމުގައި ނޫސްވެރިއަކު ވަނީ، ނަފްސާނީ ދުޅަހެޔޮކަމުގެ މައްސަލަތަކެއް ހުރި ކުއްޖެއްގެ މިފަދަ ޒާތީ ވާހަކަތަކާއި ވީޑިއޯތައް އާންމުކުރުމަކީ އެންމެ ރަނގަޅު އުސޫލުތޯ ސުވާލު އުފައްދާފައެވެ.

އެ ސުވާލަށް ޖަވާބު ދެއްވަމުން ރައީސް ވިދާޅުވީ، ނިޔާވި ދަރިވަރުގެ އަމިއްލަ މައުލޫމާތު ހާމަކުރުމަކީ އެމަނިކުފާނު ވެސް ތާއީދުކުރައްވާ ކަމެއް ނޫން ކަމަށެވެ. ނަމަވެސް އެކަން ކުރަން ޖެހުނީ، އެ ހާދިސާގައި ހަރަކާތްތެރިވި ފުލުހުންނަށް އާންމުންގެ ފަރާތުން ބޮޑެތި ތުހުމަތުތަކެއް އަމާޒުވެ، އެ މުވައްޒަފުންނާއި އެމީހުންގެ އާއިލާތަކަށް ނުރައްކާވެދާނެ ފަދަ ހާލަތެއް މެދުވެރިވުމުން ކަމަށް ރައީސް ފާހަގަކުރެއްވިއެވެ.

ރައީސް އިތުރަށް ވިދާޅުވީ، ބައިނަލްއަގުވާމީ މިންގަނޑުތަކަށް ބަލާއިރު ވެސް އެފަދަ މައުލޫމާތު ހާމަކުރުމަކީ ހުއްދަ ކަމެއް ނޫން ކަމަށާއި، އެކަމަކު އެ ދުވަހު އެ މައުލޫމާތު ނުދީ ފަރުޖެހޭކަށް ނެތް ކަމަށެވެ. އަދި އެއްވެސް މީހަކު ނުހައްގުން ދިފާއު ނުކުރައްވާނެ ކަމުގެ ޔަގީންކަން ދެއްވަމުން ރައީސް ވިދާޅުވީ، މުޖުތަމައުގެ ފަރާތުން އެފަދަ ޕްރެޝަރެއް ނާންނަ ނަމަ އެ މައުލޫމާތުތައް ސިއްރު ކުރެވުނީސް ކަމަށެވެ. މިފަދަ ހިތާމަވެރި ހާލަތްތަކުގައި އެކަކު އަނެކަކަށް އިހުތިރާމްކޮށް، ޒިންމާދާރުކަމާއެކު އަމަލުކުރުމަށް ރައީސް ވަނީ އިލްތިމާސްކުރައްވާފައެވެ.

ދިވެހިރާއްޖޭގެ ގައުމީ ޔުނިވާސިޓީގެ ދަނާލުގައި ނިޔާވި 18 އަހަރުގެ ދަރިވަރުގެ ޒާތީ މައުލޫމާތުތައް ހާމަކުރަން ސަރުކާރަށް މަޖުބޫރުވީ ސޯޝަލް މީޑިއާގައާއި އާންމުންގެ މެދުގައި އޮތް ކަންބޮޑުވުންތަކާއި ޕްރެޝަރު ބޮޑުވުމުން ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު މިއަދު ބަޔާންކުރައްވައިފިއެވެ.

މިދިޔަ ހޯމަ ދުވަހުގެ ރޭ ހިނގި މި ހާދިސާއާ ގުޅިގެން ހޯމް މިނިސްޓްރީން ބޭއްވި ނޫސްވެރިންގެ ބައްދަލުވުމުގައި، އެ ކުއްޖާ "ހެލްޕް ލައިން" އަށް ފޮނުވި މެސެޖުތަކުގެ ތަފްސީލު މިނިސްޓަރު އަލީ އިހުސާން ވަނީ ހިއްސާކުރައްވާފައެވެ. މިއަދު ރައީސް އޮފީހުގައި ބޭއްވި ބައްދަލުވުމުގައި ނޫސްވެރިއަކު ވަނީ، ނަފްސާނީ ދުޅަހެޔޮކަމުގެ މައްސަލަތަކެއް ހުރި ކުއްޖެއްގެ މިފަދަ ޒާތީ ވާހަކަތަކާއި ވީޑިއޯތައް އާންމުކުރުމަކީ އެންމެ ރަނގަޅު އުސޫލުތޯ ސުވާލު އުފައްދާފައެވެ.

އެ ސުވާލަށް ޖަވާބު ދެއްވަމުން ރައީސް ވިދާޅުވީ، ނިޔާވި ދަރިވަރުގެ އަމިއްލަ މައުލޫމާތު ހާމަކުރުމަކީ އެމަނިކުފާނު ވެސް ތާއީދުކުރައްވާ ކަމެއް ނޫން ކަމަށެވެ. ނަމަވެސް އެކަން ކުރަން ޖެހުނީ، އެ ހާދިސާގައި ހަރަކާތްތެރިވި ފުލުހުންނަށް އާންމުންގެ ފަރާތުން ބޮޑެތި ތުހުމަތުތަކެއް އަމާޒުވެ، އެ މުވައްޒަފުންނާއި އެމީހުންގެ އާއިލާތަކަށް ނުރައްކާވެދާނެ ފަދަ ހާލަތެއް މެދުވެރިވުމުން ކަމަށް ރައީސް ފާހަގަކުރެއްވިއެވެ.

ރައީސް އިތުރަށް ވިދާޅުވީ، ބައިނަލްއަގުވާމީ މިންގަނޑުތަކަށް ބަލާއިރު ވެސް އެފަދަ މައުލޫމާތު ހާމަކުރުމަކީ ހުއްދަ ކަމެއް ނޫން ކަމަށާއި، އެކަމަކު އެ ދުވަހު އެ މައުލޫމާތު ނުދީ ފަރުޖެހޭކަށް ނެތް ކަމަށެވެ. އަދި އެއްވެސް މީހަކު ނުހައްގުން ދިފާއު ނުކުރައްވާނެ ކަމުގެ ޔަގީންކަން ދެއްވަމުން ރައީސް ވިދާޅުވީ، މުޖުތަމައުގެ ފަރާތުން އެފަދަ ޕްރެޝަރެއް ނާންނަ ނަމަ އެ މައުލޫމާތުތައް ސިއްރު ކުރެވުނީސް ކަމަށެވެ. މިފަދަ ހިތާމަވެރި ހާލަތްތަކުގައި އެކަކު އަނެކަކަށް އިހުތިރާމްކޮށް، ޒިންމާދާރުކަމާއެކު އަމަލުކުރުމަށް ރައީސް ވަނީ އިލްތިމާސްކުރައްވާފައެވެ.