މިމަހުގެ ހަތަރުވަނަ ދުވަހު ލޯކަލް ކައުންސިލްތަކުގެ އިންތިހާބުގައި އަލަށް އިންތިހާބުވި ކައުންސިލަރުން ހުވާ ކުރުން އަންނަ މަހުގެ 17ވަނަ ދުވަހު އޮންނާނެ ކަމަށް ލޯކަލް ގަވަރުމަންޓް އޮތޯރިޓީ (އެލްޖީއޭ) އިން ބުނެފިއެވެ.

އެލްޖީއޭގެ އޮފިޝަލަކާއި ހަވާލާދީ ބައެއް މީޑިއާތަކުގައި ރިޕޯޓު ކޮށްފައިވާ ގޮތުގައި އަލަށް އިންތިހާބުވި ކައުންސިލަރުން ހުވާ ކުރާނީ މިހާރު މަގާމުގައި ތިއްބެވި ކައުންސިލަރުންގެ ދައުރު ހަމަވާ ދުވަހުއެވެ. އެއީ އަންނަ މަހުގެ 17ވަނަ ދުވަހުއެވެ.

ކައުންސިލަރުންގެ ދައުރަކީ ފަސް އަހަރު ދުވަހެވެ. ކައުންސިލަރުން ހުވާ ކުރުމުގެ ރަސްމިއްޔާތުގެ ވަގުތު ކަނޑައަޅާނީ ފަނޑިޔާރުން ލިބެން ހުރި ގޮތަށް ބަލާފައި ކަމަށްވެސް ބުނެފައިވެއެވެ.

ކައުންސިލް އިންތިހާބާއެކު ބޭއްވި އަންހެނުންގެ ތަރައްގީއަށް މަސައްކަތް ކުރާ ކޮމެޓީގެ މެންބަރުންނެއް ހުވައެއް ނުކުރާނެއެވެ.