ޑެޕިއުޓީ ކޮމިޝަނަރު އޮފް ޕޮލިސް ފަރުހާދު ފިކުރީ މަގާމުން ރިޓަޔާ ކުރެއްވި ކަމަށް ބުނެ ދެކެވޭ ވާހަކަތައް ފުލުހުން ދޮގުކޮށްފިއެވެ.
ފުލުހުން މީޑިއާތަކަށް ފޮނުވި މެސެޖެއްގައި މިއަދު ބުނީ ޑެޕިއުޓީ ކޮމިޝަނަރު އޮފް ޕޮލިސް ފަރުހާދު ފިކުރީ މަގާމުން ރިޓަޔާ ކުރެއްވުމަށް އަންގަވާފައިވާ ކަމަށް ބުނެ ފަތުރަމުންދާ މައުލޫމާތަކީ ސައްހަ މައުލޫމާތެއް ނޫން ކަމަށެވެ.
ފުލުހުން މައުލޫމާތު ދިން ގޮތުގައި ފަރުހާދު ފިކުރީ މިހާރުވެސް ހުންނެވީ ޑެޕިއުޓީ ކޮމިޝަނަރ އޮފް ޕޮލިސްގެ މަގާމުގައި، ފުލުހުންގެ މުއައްސަސާގެ ހިދުމަތުގައެވެ.
ފަރުހާދަކީ ކޮމިޝަނަރު އޮފް ޕޮލިސްގެ މަގާމުގައި މީގެކުރިން ހުންނެވި އިސްމާއީލް ނަވީން މަގާމުން ރިޓަޔާ ކުރެއްވުމުން ފުލުހުންގެ ހިންގުން ވަގުތީ ގޮތުން ހަވާލު ކުރެއްވި ބޭފުޅާއެވެ. ޕޮލިސް ކޮމިޝަނަރު ކަމަށް ކުރިމަތިލާން ހުޅުވާލުމުން ފަރުހާދުވެސް އެ މަގާމަށް ކުރިމަތިލެއްވި ކަމަށްވެއެވެ.
އެހެންނަމަވެސް ފަރުހާދަށް އެ މަގާމު ލިބިވަޑައިނުގަންނަވާ އެ މަގާމަށް އައްޔަން ކުރެއްވީ އަހުމަދު މުހައްމަދު (ޓޫފޯ)އެވެ.
ދޯނި އަޑިއަށް ދިޔަ ފުންމިނުގައި އަސްކަރީ ސަބްމެރިންވެސް ދަތުރުނުކުރާނެ 
އެމްޑީޕީގެ ރައީސްކަމުން ޝާހިދު އިސްތިއުފާ ދެއްވައިފި 
ރައީސާ ބައްދަކުރަން ބޭނުންވާ ފަރާތްތަކުގެ ބައްދަލުވުންތައް ފަށައިފި 
އެމްޑީޕީގެ "ދަތިވެއްޖެ" މުޒާހަރާއަށް ފުލުހުން ހުރަސް އަޅައިފި 
އައްޑޫ ލިންކް ރޯޑު ހެދުމަށް އެހެން ބަޔަކާ ހަވާލުކުރަނީ 
އަމީނީމަގު މަރާމާތު ކުރުމުގެ މަސައްކަތް އެމްޓީސީސީން ފަށައިފި 
