މޯލްޑިވްސް ޕޯޓްސް ލިމިޓެޑް (އެމްޕީއެލް)ގެ މެނޭޖިން ޑިރެކްޓަރުގެ މަގާމުގައި ހުންނެވި މުހައްމަދު ރިޝްވާން އެ މަގާމުން މިރޭ އިސްތިއުފާ ދެއްވަވައިފިއެވެ.

ޕްރައިވަޓައިޒޭޝަން އެންޑް ކޯޕަރަޓައިޒޭޝަން (ޕީސީބީ) އިން މިރޭ ބުނީ މޯލްޑިވްސް ޕޯޓްސް ލިމިޓެޑް (އެމްޕީއެލް)ގެ މެނޭޖިން ޑިރެކްޓަރުގެ މަގާމުންނާއި ބޯޑު މެންބަރުކަމުގެ މަގާމުން ޑީސީޕީ (ރިޓަޔާޑް) މުހައްމަދު ރިޝްވާން، އިސްތިއުފާ ދެއްވުމަށް މިއަދު ހުށަހަޅުއްވާފައިވާތީ، އިސްތިއުފާ ގަބޫލުކޮށް އެމަގާމުން ވަކިކޮށްފައިވާ ކަމަށެވެ.

ރިޝްވާން އެ މަގާމުން އިސްތިއުފާ ދެއްވިއިރު ފެނަކަ ކޯޕަރޭޝަންގެ މެނޭޖިން ޑިރެކްޓަރު މޭޖާ (ރޓޔޑ) މުހައްމަދު ނަޖާހް ވަނީ ވަކި ކުރައްވައިފައެވެ.

އަދި އެގްރޯނެޓުގެ މެނޭޖިން ޑިރެކްޓަރުގެ މަގާމުގައި ހުންނެވި ހުސައިންދީދީ ވެސް ވަނީ އެ މަގާމުން ވަކި ކުރައްވައިފައެވެ.