އުމްރާގެ މަތިވެރި އަޅުކަން އަދާކުރެއްވުމަށް ރައީސުލްޖުމްހޫރިއްޔާގެ ދެކަނބަލުން މާދަމާ ސައުދީ އަރަބިއްޔާ އަށް ފުރާވަޑައިގަންނަވާނެ ކަމަށް ރައީސް އޮފީހުން މިއަދު ހާމަކޮށްފިއެވެ.

އުމްރާގެ އަޅުކަމަށް ރައީސްގެ ދެކަނބަލުން ފުރާވަޑައިގަންނަވާ ވާހަކަތަކެއް ރޭ ސޯޝަލް މީޑިއާގައިވެސް ދެކެވުނެވެ.

ރައީސް އޮފީހުން މިއަދު ބުނީ އެ ދަތުރުފުޅުގެ މެހުމާންދާރީއާ އަދި ހުރިހާ ހަރަދެއްވެސް ހަމަޖައްސާފައި ވަނީ ސައުދީ އަރަބިއްޔާގެ ސަރުކާރުން ކަމަށެވެ.

ދަތުރުފުޅުގެ ހުރިހާ ކަމެއްވެސް މިދިޔަ ފެބްރުއަރީ މަހުގެ ކުރީކޮޅުގެ ތެރޭގައި ހަމަޖައްސާފައިވާ ކަމަށްވެސް ރައީސް އޮފީހުން މައުލޫމާތު ދީފައިވެއެވެ.