މާލޭގެ މާފަންނުގައި ހުރި ގުދަނެއްގައި އަލިފާން ރޯވެއްޖެއެވެ.

ފުލުހުން ބުނީ އަލިފާން ރޯވެފައި ވަނީ މާލެ، މާފަންނު، ފުލޫނިޔާމަގުގައި ހުންނަ ގުދަނެއްގައި އަލިފާނުގެ ހާދިސާއެއް ހިނގައިގެން އުޅޭ ކަމަށެވެ. އަދި އެ ސަރަހައްދުގައި ފުލުހުންނާއި ފަޔަރ އެންޑް ރެސްކިއު ސާވިސް އިން ހަރަކާތްތެރިވަމުން އަންނަ ކަމަށް ވެސް ބުންޏެވެ.

މައުލޫމާތު ލިބިފައިވާ ގޮތުގައި އަލިފާން ރޯވެފައި ވަނީ ކުރީގެ ޑުރަގު ކޯޓު އަދި މިހާރު އިލެކްޝަންސް ކޮމިޝަނުގެ މަރުކަޒެއްގެ ގޮތުގައި ބޭނުން ކުރަމުން އަންނަ އިމާރާތާއި ޖެހިގެން ހުރި ގުދަނެއްގައެވެ.