މާލޭގެ ގެއެއްގެ ތެރޭގައި މަރުވެފައި އޮތް މީހަކު ފެނިގެން ފުލުހުން ހަރަކާތްތެރިވާން ފަށައިފިއެވެ.

މިކަމާއި ގުޅިގެން ފުލުހުން މިއަދު ބުނީ މާލެ، މާފަންނު، ދަކަންދާ މަގުގައި ހުންނަ ގެއެއްގައި މީހަކު މަރުވެފައި އޮއްވާ ފެނުނު މައްސަލައެއް މިއަދު މެންދުރު 13:01 އެހައިކަންހާއިރު ފުލުހުންނަށް ރިޕޯޓްކޮށްފައިވާ ކަމަށެވެ.

މަރުވެފައި އޮއްވާ ފެނިފައި ވަނީ ސ. ހުޅުދޫ / ތޯތާޕަރީ އުމުރުން 54 އަހަރުގެ މުހައްމަދު ނިޒާރު ނަމަކަށް ކިޔާ މީހެއް ކަމަށްވެސް ފުލުހުން ބުންޏެވެ.

މުހައްމަދު ނިޒާރު ނިޔާވުމުގައި އެހެން މީހެއްގެ ބައިވެރިވުމެއް އޮތް ކަމަށް ނުވަތަ ކުށުގެ ތުހުމަތެއް ކުރެވޭ ފަދަ ކަމެއް މިހާތަނަށް ތަހުގީގަށް ފާހަގަ ކުރެވިފައި ނުވާ ކަމަށް ފުލުހުން ބުންޏެވެ.

އެ މައްސަލަ ފުލުހުން ގެންދަނީ ތަހުގީގު ކުރަމުންނެވެ.