ކުރިޔަށް އޮތް ލޯކަލް ކައުންސިލްތަކުގެ އިންތިހާބަށް ފޯމު ހުށަހެޅުމަށް އިލެކްޝަންސް ކޮމިޝަނުން ދީފައި ވަނީ ވަރަށް ކުރު މުއްދަތެއް ކަމަށް އިދިކޮޅު އެމްޑީޕީން މިއަދު ބުނެފިއެވެ.
އެމްޑީޕީން އެކްސްގައި މިއަދު ކުރެއްވި ޕޯސްޓެއްގައި ބުނީ ލޯކަލް ކައުންސިލް އިންތިޚާބަށް ކުރިމަތިލުމަށް އެދި ފޯމު ހުށަހެޅުމަށް އިލެކްޝަނުން ދީފައި ވަނީ ވަރަށް ކުރު މުއްދަތެއް ކަމަށާއި އެކަމުގެ ސަބަބުން ވަރަށް ބޮޑެތި ދަތިތަކާއި ކުރިމަތިވަމުން އަންނަ ކަމަށެވެ.
"ދައުލަތުގެ އިދާރާތަކުން ރިކޯޑް ސާފުކުރުމާއި އެހެނިހެން ކަންކަން ފުރިހަމަކުރުމަށް އެތަކެއް ދުވަހެއް ނަގާތީ، މިއީ ފޯމު ހުށަހެޅުމަށް އެކަށީގެންވާ މުއްދަތެއް ނޫންކަން ފާހަގަކޮށް، މިކަމުގެ ސަބަބުން އެތައް ބަޔަކަށް އިންތިޚާބަށް ކުރިމަތިލުމުގެ ފުރުސަތު ގެއްލިދާނެކަމުގެ ކަންބޮޑުވުން ފާޅުކުރަމެވެ،" އެމްޑީޕީން ކޮށްފައިވާ ޕޯސްޓުގައި ބުންޏެވެ.
އެ ޕޯސްޓުގައި އިތުރަށް ބުނެފައި ވަނީ އެ މައްސަލަ އަށް ހައްލު ހޯދައިދިނުމަށް އިލެކްޝަންސް ކޮމިޝަނަށް އެ ޕާޓީން ގޮވާލާ ކަމަށެވެ.
ކައުންސިލް އިންތިހާބު ބޭއްވުމަށް ހަމަޖެހިފައި ވަނީ އަންނަ އޭޕްރީލް މަހުގެ ހަތަރުވަނަ ދުވަހުއެވެ. އިންތިހާބަށް ކުރިމަތިލުމަށް މި މަހުގެ 17 އިން ފެށިގެން އަންނަ މަހުގެ 1 ވަނަ ދުވަހުގެ ނިޔަލަށް ވަނީ ހުޅުވާލައިފައެވެ.
ކައުންސިލްތައް ބާކީކޮށް، ބާރު ކަނޑުވައެއް ނުލާނަން: ރައީސް 
ހޯދަމުންދިޔަ އިގުބާލް، ބޮއެއްގެ ކައިރީ އޮއްވާ ފެނިއްޖެ 
މާލޭގެ ގެއެއްގެ ތެރޭގައި މަރުވެފައި އޮތް މީހަކު ފެނިއްޖެ 
ދިގުރަށު އެކޮމަޑޭޝަން ބްލޮކެއްގައި ރޯވެ ފަސް މީހުން މަރުވެއްޖެ 
ހަނގުރާމައިގެ ބޭނުމަށް ވައިގެ ސަރަހައްދު ބޭނުންކުރާކަށް ނުދޭނަން 
