ދެހާސް ހަތާވީސް ވަނަ އަހަރުން ފެށިގެން ރާއްޖޭގެ ހުރިހާ ސްކޫލުތަކެއްގެ ޔުނީފޯމަށް ސަރުކާރުން ގެންނަން ނިންމާފައިވާ ނިންމުމަަށް ކުރީގެ ރައީސް މުހައްމަދު ނަޝީދު ދެކޮޅު ހައްދަވައިފިއެވެ.

ނަޝީދު މިއަދު އެކްސްގައި ވިދާޅުވީ ރާއްޖޭގައި 90،000 އަށް ވުރެ ގިނަ ދަރިވަރުން އެބަތިބި ކަމަށާއި މިހާރު ހުށަހަޅާފައިވާ ޔުނިފޯމަށް އެންމެ މަދުވެގެން ވެސް 900 މިލިއަން ހަރަދުވާނެ ކަމަށެވެ.

އަދި ބެލެނިވެރިންގެ އަތުން 80 މިލިއަނަށް ވުރެ ގިނައިން ފައިސާ ނަގައި، އެ ފައިސާ ފޮތި ފިހާރަތަކަށް ދިނުމަކީ ދެކޮޅު ޖެހޭ ކަމެއް ނޫން ކަމަށް ނަޝީދު ވިދާޅުވި އެވެ.

"ޔުނިފޯމް ބަދަލުކުރުމަކީ ހަރަދުބޮޑު ބޭކާރު ކަމެއް. މިހާރުވެސް ދަރިވަރުން އެ ތިބެނީ އެކަށީގެންވާ ވަރަށް ނިވާވެގެން،" ނަޝީދު ވިދާޅުވިއެވެ.

ސަރުކާރުން ވަނީ ޔުނީފޯމަށް ބަދަލު ގެންނަނީ އެއް މިންގަނޑެއްގައި ޔުނީފޯމުތައް ހިފަހައްޓައި ފަސޭހަކަމާއެކު ޔުނީފޯމް ލިބޭނެ ގޮތް ހެދުމުގެ ގޮތުން ކަމަަށް ބުނެފައެވެ.