ރައީސް ޑރ. މުހައްމަދު މުއިއްޒު ރައްޔިތުންނާއެކު ބާއްވާ ބައްދަލުވުންތަކުގައި ރައްޔިތުން ބޭނުންވާ ސުވާލެއް ނުވަތަ ހިޔާލެއް މިނިވަންކަމާއެކު ހުށަހެޅުމުގެ ފުރުސަތު ރައީސް މުއިއްޒު ވަނީ ދެއްވަވާފައިވާ ކަމަށް ރައީސް އޮފީހުގެ ތަރުޖަމާން ހީނާ ވަލީދު ވިދާޅުވެއްޖެއެވެ.
އެކްސްގައި ހީނާ ކުރެއްވި ޕޯސްޓެއްގައި ވަނީ، ރައްޔިތުންނާ ގާތުން ބައްދަލުކުރައްވައި އެކި ކަންކަމުގައި ރައްޔިތުންގެ ހިޔާލާއި މަޝްވަރާ ހޯއްދެވުމަށް ރައީސުލްޖުމްހޫރިއްޔާ ބާއްވަވާ ބައްދަލުވުންތަކުގައި އެ ބައްދަލުވުމުގެ ކުރިން ސުވާލު ނުވަތަ ހިޔާލު ހުށަހަޅަންޖެހޭ ކަމަށް ބުނެ ބައެއް ފަރާތްތަކުން ދައްކަމުންދާ ވާހަކަތަކަކީ ކަނޑައެޅިގެން ހަގީގަތާއި ހިލާފު ވާހަކަތަކެއް ކަމަށް ވިދާޅުވެފައެވެ.
"މީގެ ކުރިން ބޭއްވުނު މިފަދަ ބައްދަލުވުންތަކުގައި ބައިވެރިވެވަޑައިގެންނެވި ކޮންމެ ބޭފުޅަކަށްވެސް އެބޭފުޅެއްގެ ހިޔާލާއި ކަންބޮޑުވާ ކަންކަމާއި ބެހޭގޮތުން މިނިވަންކަމާއެކު އެބޭފުޅަކު ދައްކަވަން ބޭނުންފުޅުވާ ވާހަކައެއް ދެއްކެވުމުގެ ފުރުސަތު ރައީސުލްޖުމްހޫރިއްޔާ ވަނީ ދެއްވާފައެވެ." ހީނާ ވިދާޅުވިއެވެ.
ހީނާ ވިދާޅުވީ ކުރިއަށްހުރި ބައްދަލުވުންތަކުގައިވެސް އަމަލުކުރައްވާނީ އެއުސޫލުން ކަމަށެވެ. އެއްވެސް ބޭފުޅަަކަށް ދުރާލާ ސުވާލު ނުވަތަ ހިޔާލު އެއްވެސް ފަރާތަކާ ހިއްސާ ކުރައްވާކަށް ޖެހިވަޑައެއްނުގަންނަވާނެ ކަމަށް އޭނާ ވިދާޅުވިއެވެ.
މިއީ އެންމެން އެކުގައި މަސައްކަތް ކުރަންވީ ވަގުތު: އާޒިމް 
އާދަމް އާޒިމްގެ ހިދުމަތް އެމްޑީޕީގެ މެންބަރުން ބަލައިގެންފި 
އަލީ އާޒިމް ބަލި ގަބޫލުކުރައްވާ އާދަމް އާޒިމަށް މަރުހަބާ ކިޔައިފި 
މާލޭ މޭޔަރުކަމުގެ އެމްޑީޕީ ޓިކެޓު، އާޒިމް ކާމިޔާބު ކުރައްވައިފި 
އެމްޕީއެލް އިން މުދާ ހުސްކުރާ ކުންފުނިތަކުގެ ވެރިންނާ ބައްދަލުކޮށްފި 
ކޯރަމް ހަމަނުވެ، މާލެ ސިޓީ ކައުންސިލްގެ މިއަދުގެ ޖަލްސާ ކެންސަލްކޮށްފި 