ނުފޫޒުތަކުގައި ނުޖެހި މުޅި ދައުލަތް އެއްކޮށް މަސައްކަތް ކޮށްފިއްޔާ ރާއްޖޭން ޑުރަގުގެ ވަބާ ފުހެލާނަން ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެއެވެ.
އާޓްފިޝަލް ބީޗުގައި މިރޭ އެތައް ހާސް ސަޕޯޓަރުންނާއެކު ޕީއެންސީން ބޭއްވި ޖަލްސާގައި ވާހަކަދައްކަވަމުން ރައީސް މުއިއްޒު ވަނީ، ރާއްޖޭގެ ތާރީހުގައި ވެސް މިހާތަނަށް ފެށި ޑުރަގުގެ އެންމެ ބޮޑު އޮޮޕަރޭޝަން އިއްޔެ ފަށާފައިވާ ކަމަށް ވިދާޅުވެފައެވެ.
ރައީސް ފާހަގަކުރެއްވީ އެ އޮޕަރޭޝަންގައި ހައްޔަރުކުރި މީހުންނަށް އަދުލުވެރިކަމާއެކު ޝަރީއަތް ހިންގޭނެ ކަމަށް ވިދާޅުވެފައެވެ. އަދި ވިދާޅުވީ އެއްވެސް ނުފޫޒެއްގައި ނުޖެހި މުޅި ދައުލަތް މަސައްކަތް ކޮށްފިއްޔާ ރާއްޖޭން ޑްރަގު ވަބާ މި ސަރުކާރުޖް ފޮހެލާނެ ކަމަށް ވިދާޅުވެފައެވެ.
"މިއީ ނުހުއްޓާނެ އޮޕަރޭޝަނެއް. އަޅުގަނޑުމެން އުއްމީދު ކުރަނީ އަދި ޔަގީން ކުރަނީ އެ މީހުންގެ ކަންކަން ބެލުމުގައި އަޅުގަނޑު ހަމަ ކުރިން ދެންނެވި އަދުލުވެރި އިންސާފުވެރިކަމާ އެކީގައި ކުރިއަށް ދާނެއޭ،" ރައީސް ވިދާޅުވިއެވެ.
މަސްތުވާތަކެތީގެ ގާނޫނަށް ސަރުކާރުން އިސްލާހުތަކެއް ހުށަހަޅަން ތައްޔާރުވަމުން އަންނަކަން ފާހަގަކުރައްވަމުން ރައީސް ވިދާޅުވީ، އެ އިސްލާހު އިސްލާހު ފާސްވެގެން އައުމާ އެކު ޑްރަގު އެތެރެކޮށް އޭގެ ވިޔަފާރިކުރާ މީހުންނަށް އިސްލާމުދީނުގައި އޮންނަ އެންމެ ހަރުކަށި އަބަދު ދެވޭނެ ކަމަށެވެ.
ހަގީގީ މާނާގައި ޒުވާނުން ބާރުވެރި ކުރެވޭނީ މަސްތުވާތަކެތީގެ ވަބާއިން ގައުމު ސަލާމަތް ކޮށްގެން ކަމަށް ރައީސް މުއިއްޒު ވިދާޅުވިއެވެ.
އިންޑިއާއާއެކު އޮތް ގުޅުން އިތުރަށް ބަދަހި ކުރާނަން: ރައީސް 
ކައުންސިލްތަކުގެ އަތުން ބިން ނަގާ އިސްލާހާ ދެކޮޅަށް ސޮއި ހަމަވެއްޖެ 
ކާރިސާތަކުގައި އެހީވުމަށް އިންޑިއާއިން ދައްކުވައިދޭ ނަމޫނާ! 
ދޯނި އަޑިއަށް ދިޔަ ފުންމިނުގައި އަސްކަރީ ސަބްމެރިންވެސް ދަތުރުނުކުރާނެ 
އެމްޑީޕީގެ ރައީސްކަމުން ޝާހިދު އިސްތިއުފާ ދެއްވައިފި 
ރައީސާ ބައްދަކުރަން ބޭނުންވާ ފަރާތްތަކުގެ ބައްދަލުވުންތައް ފަށައިފި 
