އައްޑޫ ސިޓީގެ ތިން ރަށެއްގައި ވަކި ކައުންސިލެއް އުފެއްދުމަށް ފެނޭތޯ ނަގާ ހިޔާލު ހޯދުމުގެ ވޯޓުގައި މިހާތަނަށް ވޯޓުލީ ވޯޓުލެވޭ އާބާދީގެ ތެރެއިން މަދު އަދަދެއްކަން އިލެކްޝަންސް އިން ހާމަކުރި ތަފާސް ހިސާބުތަކުން ދައްކައިފިއެވެ.

މިއަދު ހެނދުނު 8:00ގައި ފެށި މި ވޯޓު ނެގުން މިއަދު ހަވީރު 16:00އަށް ބަންދުވާނެއެވެ.

އިލެކްޝަންސް ކޮމިޝަނުން ބުނީ މި ވޯޓުގައި ޖުމްލަ 9،576 މީހުންނަށް ވޯޓު ލެވޭނެ ކަމަށެވެ. ނަމަވެސް މިއަދުގެ މެންދުރުފަހު 15:00އާ ހަމައަަށް ވޯޓުލާފައި ވަނީ 3،410 މީހުން ކަމަށް އިލެކްޝަނުން ބުންޏެވެ. އެއީ ވޯޓުލެވޭ އާބާދީގެ ތެރެއިން 35.61 ޕަސެންޓު މީހުންނެވެ.

މިހާތަނަށް 6،166 މީހުން ވޯޓުލާފައެއް ނުވެއެވެ. އެއީ 64.39 ޕަސެންޓު މީހުންނެވެ.