މޯލްޑިވްސް ޕެންޝަން އޮފީހުގެ ބޯޑު މެންބަރުކަމުގެ މަގާމުގައި ހުންނެވި ޝަރުވަޝް އާދަމް އެ މަގާމުން އިސްތިއުފާ ދެއްވަވައިފިއެވެ.

ޝަރުވަޝް އެ މަގާމުން އިސްތިއުފާ ދެއްވިކަން ހާމަކުރެއްވީ އެކްސްގައި މިއަދު ކުރެއްވި ޕޯސްޓެއްގައެވެ. ޝަރުވަޝް ވިދާޅުވީ ވިދާޅުވީ މަރުކަޒީ ބޭންާ އެކު ބޮންޑު ވިއްކުމުގެ މުއާމަލާތް ކުރިއަށް ގެންދަން ޕެންޝަން އޮފީހުގެ ބޯޑުން ނިންމުމާ ގުޅިގެން، ބޯޑު މެންބަރުކަމުން އޭނަ އިސްތިއުފާ ދެއްވީ ކަމަށެވެ.

ޝަރުވަޝް އެ މުއާމަލާތަކީ ގާނޫނީ އަދި އިގުތިސާދީ ގިނަ ކަންބޮޑުވުންތަކެއް އޮތް މުއާމަލާތެއް ކަމަށެވެ. އަދި އެ މަގާމުން އިސްތިއުފާ ދެއްވި އެ ނިންމުމާ ދެކޮޅަށް އިހުތިޖާޖު ކުރުމުގެ ގޮތުން ކަމަށްވެސް ވިދާޅުވިއެވެ.

އެ ނިންމުން ޕެންޝަން އޮފީހުން ނިންމާފައި ވަނީ މިދިޔަ ހަފްތާގެ ތެރޭގައެވެ.