ކުރިއަށް އޮތް ލޯކަލް ކައުންސިލް އިންތިހާބު އަންނަ އަހަރުގެ މާޗް 28 ގައި ބާއްވަން ނިންމާފައިވާ ކަމަށް އިލެކްޝަން ކޮމިޝަން (އީސީ) އިން ބުނެފިއެވެ.

ޕީއެސްއެމްގެ "ރާއްޖެ މިއަދު" ޕްރޮގްރާމުގައި ވާހަކަދައްކަވަމުން އީސީގެ ރައީސް މުހައްމަދު ޒާހިދު ވިދާޅުވީ މާޗް މަހުގެ 28 ގައި އިންތިހާބު ބާއްވަން ނިންމާފައިވާ ކަމަށާއި އަދި އެ އިންތިހާބަށް ކުރިމަތިލާން އަންނަ އަހަރުގެ ޖެނުއަރީ މަހުގެ ތެރޭގައި ހުޅުވައިލާނެ ކަމަށެވެ.

އެގޮތުން އިންތިހާބަށް ކުރިމަތިލާން ހުޅުވައިލަން އިލެކްޝަނުން ނިންމާފައި ވަނީ ޖެނުއަރީ 17 ގަައި ކަމަށް ޒާހިދު ވިދާޅުވިއެވެ. މި ފަހަރުގެ އިންތިހާބަށް ކެންޑިޑޭސީ އީސީ ޕޯޓަލް މެދުވެރިކޮށް ކަމަށެވެ.

ޒާހިދު ވިދާޅުވި ގޮތުގައި އިންތިހާބުގެ ކަންކަމަށް 80 ވަރަކަށް މިލިއަން ރުފިޔާ ހަރަދުވާނެ ކަމަށް ބެލެވޭ ކަމަށާއި ކުރިޔަށް އޮތް މުސްތަގުބަލުގައި އިންތިހާބުތަކުގެ ހަރަދު ކުޑަ ކުރުމަށް މަސައްކަތް ކުރައްވާނެ ކަމަށެވެ.