ކާޑުގެ ބާވަތްތަކާއި 10 ބާވަތުގެ މޭވާ އަދި ތަރުކާރީ ގަނޑުކޮށް އެސްޓީއޯ އިން ގެންނަ ގޮތަށް ނިންމައިފިއެވެ.

ރައީސް ޑރ. މުހައްމަދު މުއިއްޒު އެކްސްގައި މިއަދު ކުރެއްވި ޕޯސްޓެއްގައި ވިދާޅުވީ ދިވެހިރާއްޖޭގައި ފުޑް ސެކިޔުރިޓީ ގާއިމުކުރުމަށް އެމަނިކުފާނުގެ މެނިފެސްޓޯގައި ކަނޑައަޅާފައިވާ ސިޔާސަތު ތަންފީޒުކުރުމަށް ކުރެވޭ ކަންކަމުގެ ތެރެއިން ރާއްޖޭގައި ޒަމާނުންސުރެ ކަނޑައަޅާފައިވާ ކާޑުގެ ބާވަތްތައްކަމުގައިވާ ހަނޑޫ،ހަކުރު،ފުށުގެ އިތުރުން، ރާއްޖެއަށް އެންމެ ގިނައިން އެތެރެކުރާ 10 ބާވަތުގެމޭވާ އާއި 10 ބާވަތުގެ ތަރުކާރީ އަދި މުގު، ބިސް، އަލުއި އެސްޓީއޯއިން ގަނޑުކޮށް އެތެރެކޮށް ރާއްޖޭގެ ބާޒާރުގައި ވިއްކަން ފެށުމަށް ކެބިނެޓުގެ މަޝްވަރާއާއެކު މިއަދު ނިންމާފައިވާ ކަމަށެވެ.

އެސްޓީއޯ އަކީ މިހާރުވެސް ރާއްޖެއަށް ކާޑުގެ ބާވަތްތަކާއި ފިޔާ ބިސް އަދި އަލުވި އެތެރެކުރާ ކުންފުންޏެވެ.

އެކުންފުނިން މިހާރުވެސް އަންނަނީ ބާޒާރުގައި އަގުބޮޑު ތަކެތި ގެނެސެގެން އާއްމުންނަށް އަތްފޯރާ އަގެއްގައި ވިއްކަމުންނެވެ.