ސިނަމާލެ ބްރިޖު ހައިވޭގައި އެކްސިޑެންޓެއް ހިނގާ ބަޔަކަށް އަނިޔާވެއްޖެއެވެ.

ފުލުހުން ބުނީ އެކްސިޑެންޓެއް ހައިވޭގައި ހިނގައިގެން އުޅޭތީ ފުލުހުން ހަރަކާތްތެރިވަމުން އަންނަ ކަމަށެވެ.

އެ އެކްސިޑެންޓުގައި ތިން ސައިކަލަކާއި ބަހެއް ހިމެނޭ ކަމަށާއި އޭގެތެރޭގައި ފުލުހުންގެ ސައިކަލެއް ވެސް ހިމެނެއެވެ.

އެ އެކްސިޑެންޓުގައި ބަޔަކަށް އަނިޔާވެ ހޮސްޕިޓަލަށް ގެންގޮސް ފަރުވާ ދެމުން އަންނަ ކަމަށް ވެސް ފުލުހުން ބުންޏެވެ.

ސޯޝަލް މީޑިއާގައި އާއްމުވެފައިވާ ވީޑިއޯ އިން ފެންނަނީ ސައިކަލެއް ބަހެއްގެ ދަށުގައި އޮތް މަންޒަރެވެ. އަދި އިތުރު ސައިކަލެއް ވެއްޓިފައި އޮތް މަންޒަރުވެސް ފެނެއެވެ.