އިޒްރޭލުން ގަތަރަށް މިއަދު ދިން ހަމަލާ ރައީސް ޑރ. މުހައްމަދު މުއިއްޒު ކުށްވެެރި ކުރައްވައިފިއެވެ.

އެމަނިކުފާނު އެކްސްގައި މިއަދު ކުރެއްވި ޕޯސްޓެއްގައި ވިދާޅުވީ އިޒްރޭލުގެ އެ ހަމަލާ އަކީ ބައިނަލްއަގުވާމީ ގާނޫނުތަކާއި ހިލާފަށް ދިން ހަމަލާއެއް ކަމަށެވެ. އިޒްރޭލުގެ އެފަދަ އަމަލުތަކަށް އަވަސް ފިޔަވަޅުތަކެއް އެޅުމަށް އެމަނިކުފާނު ވަނީ ގޮވާލައިފައެވެ.

އިޒްރޭލުން ފަލަސްތީނަށް ދެމުން އަންނަ ހަމަލާތައް މީގެކުރިން ވެސް ރައީސް މުއިއްޒު ވަނީ ކުށްވެރި ކުރައްވައިފައެވެ. އަދި ދިވެހި ދައުލަތުގެ ފަރާތުން ވެސް ބައިނަަލްއަގުވާމީ މައިދާނުގައި އަންނަނީ ފަލަސްތީނު ރައްޔިތުންގެ ދިފާއުގައި ވާހަކަދައްކަމުންނެވެ.