ކުރީގެ ރައީސް އިބްރާހީމް މުހައްމަދު ސޯލިހުގެ ވެރިކަމުގައި ޔޫތު މިނިސްޓަރުގެ މަގާމުގައި ހުންނެވި އަހްމަދު މަހްލޫފު އިދިކޮޅު އެމްޑީޕީން ވަކިވެއްޖެއެވެ.

އެމްޑީޕީގެ ޗެއާޕާސަން ފައްޔާޒު އިސްމާއީލަށް މަހްލޫފް ފޮނުއްވި ސިޓީއެއްގައި ވަނީ އެމްޑީޕީން އޭނާ ވަކިވުމަށް އެދިފައިވާތީ އެޕާޓީން ވަކިކޮށްދިިނުމަށް އެދިވަޑައިގަންނަވާ ކަމަށް ވިދާޅުވެފައެވެ.

އެމްޑީޕީ ގައުމީ މަޖިލީހުގެ ވަޓްސްއަޕް ގްރޫޕަށް މަހްލޫފު ފޮނުއްވި މެސެޖެއްގައި ވިދާޅުވީ އެމްޑީޕީން ވަކިވަނީ ދައުލަތުގެ މަގާމަކަށް ދިއުމުގެ ގޮތުން ކަމަށެވެ.

އަދި ކުރީގެ ރައީސް އިބްރާހީމް މުހައްމަދު ސޯލިހު ރާއްޖެއަށް ގެނެސްދެއްވި ތަރައްގީގައި ބައިވެރިވުމުން އެކަމަށް އޭނާ ވަނީ ޝުކުރު އަދާ ކުރައްވައިފައެވެ.