މިރޭ ހިފާ ހަނދު ކޭތަ ހިފަން ފަށާނީ ރާއްޖެ ގަޑިން 20:28ގައި ކަމަށް މޫސުމާ ބެހޭ ގައުމީ އިދާރާ (މެޓް) އިން ލަފާކޮށްފިއެވެ.

މެޓުން ބުނީ މިރޭ ކޭތަ ހިފާއިރު ރާއްޖޭގެ މޫސުން އާއްމު ގޮތެއްގައި ރަނގަޅު ވާނެ ކަމަށެވެ.

މެޓުން ބުނި ގޮތުގައި މިރޭ ހިފާ ކޭތަ ލޮލަށް ފެންނާނެ ކަމަށް ލަފާ ކުރެވެނޫ މިރޭ ގަޑިން 21:30ގައި ކަމަށެވެ.

އަދި ފުރިހަމަ ކޭތައެއް ހިފާނީ މިރޭ 22:30 އާއި 23:52އާ ދެމެދު ކަމަށް މެޓުން މައުލޫމާތުދެއެވެ.

މެޓުން ބުނީ ކޭތަ ވީއްލާ އެއްކޮށް ނިމޭނެ ކަމަށް ލަފާ ކުރެވެނީ މިރޭ ދަންވަރު 1:52ގައި ކަމަށެވެ.