ރައްޔިތުން މަޖިލީހުގެ މެންބަރުންގެ ތެރެއިން މާލީ ބަޔާން ހުށަނާޅާ މެންބަރުންނަށް 15 ދުވަހުގެ ނޯޓިސްއެއް ރައްޔިތުން މަޖިލީހުގެ އިދާރާއިން ފޮނުވައިފިއެވެ.
މެންބަރު ކަމުގެ ހުވާކުރާ ތާރީހުން ފެށިގެން އެއް އަހަރު ދުވަސް ފުރިހަމަވުމުން މަޖިލީހުގެ މެންބަރުންގެ މުދަލާއި ފައިސާގެ ބަޔާން ނުވަތަ މާލީ ބަޔާން ހުށަހަޅަން ވާނެ ކަމަށް މަޖިލީހުގެ ގަވާއިދުގައި ބުނެފައިވެއެވެ. އެ މުއްދަތު މިދިޔަ މަހުގެ 31ވަނަ ދުވަހަށް ހަމަވެފައިވާއިރު ބައެއް މެންބަރުންގެ މާލީ ބަޔާން ވަނީ އާއްމު ކޮށްފައެވެ.
މާލީ ބަޔާން ހުށަހަނާޅާ މެންބަރުންގެ ތެރޭގައި ފޭދޫ އުތުރު ދާއިރާގެ މެންބަރު އިސްމާއީލް ނިޒާރު އާއި މައްޗަންގޮޅި މެދު ދާއިރާ މެންބަރު އަހުމަދު ޒަމީރާއި މާފަންނު ހުޅަނގު ދާއިރާގެ މެންބަރު މުސްތަފާ އިބްރާހީމާއި ކުރެންދޫ ދާއިރާގެ މެންބަރު މުހައްމަދު ޝާހީން ހިމެނެއެވެ. އަދި މާފަންނު އުތުރު ދާއިރާގެ މެންބަރު މުހައްމަދު ނާޒިމް ވެސް މާލީ ބަޔާން ހުށަނާޅާ މެންބަރުންގެ ތެރޭގައި ހިމެނެއެވެ.
މާލީ ބަޔާން ހުށަނާޅާ މެންބަރުންނަށް 15 ދުވަހުގެ ނޯޓިހެއް މަޖިލީހުގެ އަމީން އާއްމު މިދިޔަ ހޯމަ ދުވަހު ވަނީ އެ މެންބަރުންނަށް ފޮނުވައިފައެވެ.
މިއީ މާލީ ބަޔާން ހުށަނާޅާ މެންބަރުންނަށް އެންމެ ފުރަތަމަ އަޅާ ފިޔަވަޅެވެ. އެ ފިޔަވަޅު އެޅުމަށްފަހު ވެސް މެންބަރުން މާލީ ބަޔާން ހުށަނާޅައިފި ނަމަ މަޖިލީހުގެ ޖަލްސާއެއްގައި ރިޔާސަތުން އެ މެމްބަރެއްގެ ނަން އިއްވައި، ތަޅުމުން ނެރުމަށް މަޖިލީހުގެ ގަވާއިދުގައި ބަޔާންކޮށްފައިވެއެވެ.
އަދި މަޖިލިސް ޖަލްސާއެއްގައި އެ މެންބަރަކަށް ދެން ބައިވެރިވެވަޑައިގަނެވޭނީ މާލީ ބަޔާން ހުށަހެޅުމުންނެވެ.
"ހިތްފަސޭހަ، ސާފު ތަނެއްގެ ގޮތުގައި މާލެ ބޭއްވުމުގެ ޒިންމާ ބޮޑު" 
ޝަރަފުގެ އައްޑަނައިގެ ހައްގުވެރިންނަކީ ދިވެހި ރައްޔިތުން: މައުމޫން 
މިއަދަކީ އިންޑިއާގެ މަދަދުވެރިކަން ދާއިމަށް ހަނދާން ކޮށްދޭ ދުވަސް 
ގައުމަށްޓަކައި ގުރުބާންވެވޭނީ ޔުނީފޯމް އަޅައިގެން ތިބެގެނެއް ނޫން 
މާލޭ މީހުންނަށް ރަށްރަށުން ބިން ލިބުން ބޭނުންތެރި: ނަޝީދު 
ކޮޅުވެއްޓި ބަންޑުން ޖަހާލި ހާދިސާގައި އެކަކު މަރުވެއްޖެ 
