އިދިކޮޅު އެމްޑީޕީގެ ހަރުގެއަށް ގެއްލުންދިން މައްސަލާގައި ހައްޔަރުކޮށްފައިވާ މީހާގެ ބަންދުގެ މުއްދަތު އިތުރުކޮށްފިއެވެ.

މިމަހުގެ އެއްވަނަ ދުވަހުގެ ރޭ އެމްޑީޕީގެ ހަރުގެއަށް ގެއްލުންދިން ކަމުގެ ރިޕޯޓު ފުލުހުންނަށް ލިބުނީ އެރޭގެ ދަންވަރު 1:30 ހާއިރުއެވެ.

އެ މައްސަލާގައި ހައްޔަރު ކޮށްފައި ވަނީ މ. ސްޓާ އުމުރުން 49 އަހަރުގެ މުހައްމަދު ރަޒީނެވެ.

ފުލުހުން މިއަދު ބުނީ އޭނާގެ ބަންދާއި މެދު ގޮތެއް ނިންމަން ކޯޓަށް ހާޒިރު ކުރުމުން އޭނާގެ ބަންދަށް 30 ދުވަސް ކްރިމިނަލް ކޯޓުން ޖަހާފައިވާ ކަމަށެވެ.