މިދިޔަ ހަފްތާގެ ހުކުރު ދުވަހުން ފެށިގެން ގެއްލިގެން ހޯދަމުންދާ އުމުރުން 30 އަހަރުގެ ގ. ގާނެޓް، ހަސަން ޔާމީން ވަނީ ބްރިޖު މަތިން މޫދަށް ފުންމާލާފައި ކަމަށް ފުލުހުން މިރޭ ބުނެފިއެވެ.

ފުލުހުން މިއަދު ނެރުނު ބަޔާނެއްގައި ބުނީ ޔާމީނަށް ވީ ގޮތެއް ބަލަން ކުރަމުން ދިޔަ މަސައްކަތުގެ ތެރެއިން ގިނަ އަދަދެއްގެ ސީސީޓީވީ ފުޓޭޖްތަކެއް ބަލާފައިވާ އިރު، އޭނަ ބްރިޖް މަތިން ފުންމައިލާ މަންޒަރު ފުޓޭޖަކުން ފެނިފައިވާ ކަމަށެވެ. އެއީ މި މަހުގެ 13 ވަނަ ދުވަހުގެ މެންދަމު 3:24 ގައި ކަމަށް ފުލުހުން ބުންޏެވެ.

އެހެންވެ މެރި ން ފުލުހުންނާއި އެމްްއެންޑީއެފްގެ ކޯސްޓްގާޑް ގުޅިގެން ޔާމީން ހޯދުމުގެ މަސައްކަތް މިހާރު ކުރިއަށްދާ ކަމަށް ފުލުހުން ބުންޏެވެ.

ފުލުހުން ބުނީ އެ މައުލޫމާތު އާއިލާއާ ވެސް މިހާރު ހިއްސާކޮށްފައިވާ ކަމަށާއި ތަހުގީގު ޓީމުން އާއިލާއާ އެކީ ގާތުން މަސައްކަތް ކުރަމުން އަންނަ ކަމަށެވެ.