ކެނޯގައި ނުކުތް ދިވެހި މީހާ ހުރީ ރ. ދުވާފަރުގައި ކަމަށް ފުލުހުން ބުނެފިއެވެ.

ފުލުހުން ބުނީ އެމީހާ އަކީ ރ. އަތޮޅު ރިސޯޓެއްގައި މަސައްކަތް ކުރާ އުމުރުން 35 އަހަރުގެ ދިވެހި ފިރިހެނެއް ކަމަށެވެ.

އެމީހާ ހޯދުމުގެ މަސައްކަތް ކުރަމުން އަންނަ ކަމަށް ފުލުހުން އިއުލާން ކުރިތާ މާގިނައިރުތަކެއް ނުވަނީސް ފުލުހުން ވަނީ އެމީހާ ރ. ދުވާފަރުގައި އެބަހުރި ކަމަށާއި ހާލު ރަނގަޅު ކަމަށް ބުނެފައެވެ.

އިއްޔެ އިން ފެށިގެން ރާއްޖޭގެ ބޮޑު ބަޔަކަށް ވިއްސާރަ ކުރަމުން އަންނައިރު ކަނޑުމަތީގެ ގިނަ ހާދިސާތަކެއް ވަނީ ހިނގައިފައެވެ.