ރާއްޖެއަށް ވައިގެމަގުން އެތެރެކުރަން އުޅެނިކޮށް ދާދިފަހުން އަތުލައިގަތް 18 ކިލޯގެ ޑްރަގްގެ މައްސަލާގައި, އެތަކެއްޗާ ހަވާލުވާންދިޔަ ބިދޭސީ މީހާގެ ބައިވެރިވުމެއް ނެތް ކަމަށް ބުނެ ފުލުހުން އޭނާ ދޫކޮށްލައިފި އެވެ.
މިދިޔަ އަންގާރަ ދުވަހުގެ ރޭ އިންޑިއާގެ ބެންގަލޫރު މަގުން ރާއްޖެ ގެނަައި އެއާ ކާގޯ ޝިޕްމަންޓުގައި 18.62 ކިލޯ ހުރި އެ މަސްތުވާތަކެތީގެ މަގުމަތީ އަގު އުޅެނީ 26 މިލިއަން ދިވެހި ރުފިޔާގަ އެވެ.
އެ މައްސަލާގައި ކަސްޓަމްސް އިން ފުލުހުންނާ ހަވާލުކުރީ އެ ތަކެއްޗާ ހަވާލުވާން ގޮސް ހުރި 35 އަހަރުގެ ބަންގްލަދޭޝް މީހެކެވެ. ނަމަވެސް ފުލުހުން މިއަދު ބުނީ އެ މީހާއާ އެ ތަކެއްޗާ ގުޅުމެއް ނެތުމުން އޭނާ ދޫކޮށްލާފައިވާ ކަމަށެވެ.
އެތަކެތި އެތެރެކުރީ ކޮން ބައެއްގެ ނަމުގައި ކަމެއް ވެސް ފުލުހުން ނުބުނެ އެވެ.
އެ ޝިޕްމެންޓް އަތުލައިގަތީ ކަސްޓަމްސްއިން ހިންގި ހާއްސަ އޮޕަރޭޝަނެއްގަ އެވެ.
ހޯދަމުންދިޔަ އިގުބާލް، ބޮއެއްގެ ކައިރީ އޮއްވާ ފެނިއްޖެ 
މާލޭގެ ގެއެއްގެ ތެރޭގައި މަރުވެފައި އޮތް މީހަކު ފެނިއްޖެ 
ދިގުރަށު އެކޮމަޑޭޝަން ބްލޮކެއްގައި ރޯވެ ފަސް މީހުން މަރުވެއްޖެ 
ހަނގުރާމައިގެ ބޭނުމަށް ވައިގެ ސަރަހައްދު ބޭނުންކުރާކަށް ނުދޭނަން 
ފެންނަ ނުފެންނަ ވޯޓާ މެދު އަލުން ވިސްނުމަށް ގޮވާލަން: ނަޝީދު 
