މި އަހަރުގެ އަޟްހާ އީދު ދުވަސް ފާހަގަ ކުރުމަށް، ރައްޔިތުން ހިންގާ ހަރަކާތްތަކަށް މަގުފަހިކުރުމަށްޓަކައި، އީދު ދުވަހުގެ ހަވީރު މާލެ ސަރަހައްދުގެ މަގުތަކުގައި ވެހިކަލް ދުއްވުން މަނާ ކޮށްފިއެވެ.

މާލެ ސިޓީ ކައުންސިލުން ބުނީ މާދަމާގެ ހަވީރު 16:00 އިން 18:00 އަށް މާލެ އާއި ހުޅުމާލެ އަދި ވިލިމާލެ ހިމެނޭހެން މަގުތަކުގައި ވެހިކަލް ދުއްވުން މަނާ ވާނެ ކަމަށެވެ.

ކައުންސިލުން ބުނީ ވިލިމާލެ އަދި ހުޅުމާލޭގައި ހިމެނޭ އާންމު ހުރިހައި މަގުތަކުގައި، ދުއްވާ އެއްޗެހި ދުއްވުމަކީ މަނާ ކަމެއް ކަމަށެވެ.

މާލެ ސިޓީ ކައުންސިލުން ކޮށްފައިވާ އާއްމު އިއުލާނެއްގައި ބުނެފައިވަނީ، އެ ވަގުތުތަކުގައި ދުއްވާ އެއްޗެހި ދުއްވުން މަނާކުރި ނަމަވެސް، އިމަޖެންސީ ހާލަތްތަކުގައި ދަތުރުކުރާ ވެހިކަލްތަކަށް ދޫކުރާ ހާއްސަ ސްޓިކާ، އެ ކައުންސިލްގެ އާއްމު ހިދުމަތާއި ބެހޭ ބައި (ތައިސޭކޮށިން) ދޫ ކުރުމަށް ހަމަޖެހިފައިވާ ކަމަށެވެ.

އެގޮތުން، ސްޓިކާ ދޫކުރުމަށް ހަމަޖެހިފައި ވަނީ، ޖޫން 6 ވަނަ ދުވަހުގެ ހެނދުނު 8:30 އިން 10:30 އަށް އަދި، އެ ދުވަހުގެ މެންދުރު ފަހު 14:00 ން 15:45 އަށް ކަމަށް ވެސް އެ އިޢުލާންގައި ބުނެފައިވެއެވެ.