އިއްޔެ އަކީ މި ހިނގާ 2025ވަނަ އަހަރުގެ ތެރޭގައި އަންނަ އެންމެ ރީތި ތާރީހެވެ. އިއްޔެ އަކީ 25.05.25 އެވެ. ރީތި ތާރީހުތަކުގައި ރާއްޖޭގައި އަބަދުވެސް ގިނަ ބަޔަކު ކައިވެނި ކުރެއެވެ.

ފެމެލީ ކޯޓުން ބުނީ އިއްޔެގެ ރީތި ތާރީހުގައި 60 ކައިވެންޏެއް އެ ކޯޓުން ކޮށްދީފައިވާ ކަމަށެވެ. ހަމައެއާއެކު އިއްޔެގެ އެ ރީތި ތާރީހުގައި ވަރިވުމަށް ވެސް ގިނަ ބަޔަކު ކޯޓަށް ހުށަހަޅާފައިވެއެވެ.

ކްރިމިނަލް ކޯޓުން ބުނީ އިއްޔެ 10 މީހަކު ވަރިވުމަށް ކޯޓަށް ހުށަހަޅާފައިވާ ކަމަށެވެ. އަދި ފެމެލީ ކޯޓުން އިއްޔެ ވަނީ 8 ވަރިއެއް ސާބިތުވެސް ކޮށްދީފައެވެ.

ރާއްޖެއަކީ ދުނިޔޭގެ ނިސްބަތުން އެންމެ ވަރި ގިނަ ގައުމުތަކުގެ ތެރޭގައި ހިމެނޭ ގައުމެކެވެ.