މާލޭގެ ޗާންދަނީ މަގުގައި ހުންނަ އިދިކޮޅު އެމްޑީޕީގެ ހަރުގެއަށާއި އަދި އެ ސަރަހައްދުގެ ބައެއް ގެތަކަށް ކަރަންޓު ދޭން ބޭނުންކުރާ ފޮށީގެ ކޭބަލެއް ބުރިކޮށްލި މައްސަލާގައި މީހަކު ހައްޔަރުކޮށްފިއެވެ.

އެމީހާ ހައްޔަރު ކޮށްފައި ވަނީ ކުށުގެ ވެށީން ކަމަށް ފުލުހުން ބުންޏެވެ. ހައްޔަރު ކޮށްފައި ށ. މިލަންދޫ / ނަސީމީވިލާ އުމުރުން 29 އަހަރުގެ އިސްމާއީލް ސަމީމް ނަމަކަށް ކިޔާ މީހެކެވެ.

އެ ފޮށީގެ ކަރަންޓު ކޭބަލް ބުރިކޮށްލުމުން އެ ސަރަހައްދުގެ ހަތް ގެއަކުން ކަރަންޓު ކެނޑުނެވެ. އަދި އެ ވަގުތަކީ އެމްޑީޕީން ކުއްލި އެއްވުމެއް ބާއްވަން ނިންމާފައިވާ ވަގުތެކެވެ.