ކައުންސިލްތަކުގައި އަންހެން މެންބަރުން ތިބޭ ނިސްބަތް 40 ޕަސެންޓަށް އިތުރު ކުރެއްވުމަށް ނިންމަވާފައިވާ ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ.
ރައީސް އޮފީހުން ކުރިޔަށް ގެންދާ "ރައްޔިތުންނާއެކު" ޕޮޑްކާސްޓުގައި ވާހަކަދައްކަވަމުން ރައީސް ވިދާޅުވީ ކައުންސިލްތަކުގައި މިހާރު އަންހެން ކައުންސިލަރުންގެ އަދަދަކީ 33 ޕަސެންޓު ކަމަށެވެ. ނަމަވެސް އެ ނިސްބަތް 40 ޕަސެންޓަށް އިތުރު ކުރުމަށް ނިންމަވާފައިވާ ކަމަށް ރައީސް ވިދާޅުވިއެވެ.
"އަޅުގަނޑު މި އަދަދު 40 އިންސައްތައަށް އިތުރުކުރަން ނިންމާފައި މިއޮތީ. ދެން އެވެސް އެއީ، ހަމަ ވަރަށް މުހިންމު ބަދަލެއް. އޭގެ ސަބަބުންވެސް ފައިދާވާނެ ހަމަ. ހާއްސަކޮށް، އާބާދީ ބޮޑެތި ރަށްރަށުގައި،" ރައީސްގެ ވާހަކަފުޅުގައި ވިދާޅުވިއެވެ.
ރައީސްގެ ވާހަކަފުޅުގައި ގާނޫނުތަކަށް ގެންނަން ނިންމަވާފައިވާ ބަދަލުތަކުގެ ތެރޭގައި އަތޮޅު ކައުންސިލްތައް އުވާލަން ސަރުކާރުން ނިންމަވާފައިވާ ކަމަށް ވިދާޅުވިއެވެ.
އެހެންނަމަވެސް، ރަށު ކައުންސިލްތަކާއި، ސިޓީ ކައުންސިލްތައް ހުންނާނެ ކަމަށާއި ކައުންސިލްތަކުގެ ސައިޒު ކުޑަކުރަން ހުށަހަޅާނީ އާބާދީގެ ނިސްބަތުން ކަމަށް ރައީސް ވިދާޅުވިއެވެ.
"ޖުޑީޝަރީއަށް އަޅުގަނޑު ނުފޫޒު ފޯރުވައޭ ބުނާނެ ފަނޑިޔާރަކު ނުހުންނާނެ" 
ހާއްސަ ހާލަތްތަކުގައި ޕެންޝަން ފައިސާ ބޭނުންކުރެވޭ ގޮތް ހަދަނީ 
ސެލޫނަކަށް ވަދެ، މާރާމާރީ ހިންގި ފުލުހަކު ހައްޔަރުކޮށްފި 
މީހެއްގެ ވައިބާ ކޮމްޕްރޮމައިޒް ކޮށްގެން ފައިސާ ހޯދި މީހަކު ހައްޔަރަށް 
ޔުނީފޯމަށް ގެނައި ބަދަލާ ނަޝީދު ދެކޮޅު! 
ކުރީގެ ރައީސުންނަށް ދޭ އިނާޔަތުގެ ބައެއް ކަނޑާލަން ނިންމައިފި 
