ހަތަރު ދުވަހުގެ ދަތުރުފުޅެއްގައި އެމެރިކާގެ ނައިބު ރައީސް ޖޭ.ޑީ ވޭންސް އިންޑިއާއަށް ވަޑައިގެންފިއެވެ.
ވޭންސް އިންޑިއާއިން ވަޑައިގަތީ އިއްޔެ ހެނދުނުގެ ވަގުތެއްގައެވެ. އަދި އިއްޔެ ހަވީރު އިންޑިއާގެ ބޮޑުވަޒީރު ނަރެންދްރަ މޯދީއާއި ބައްދަލުކުރެއްވިއެވެ. މޯދީއާއެކު ދިއްލީގައި ހުންނަ އިންޑިއާގެ ބޮޑުވަޒީރުގެ ރަސްމީ ގެކޮޅުގައި އޮތް ބައްދަލުވުމަށް ވޭންސް ވަޑައިގަތީ އާއިލާއާވެސް އެކުގައެވެ. ވޭންސްގެ އަނބިކަނބަލުންނަކީ އިންޑިއާ ދަރިކޮޅަށް ނިސްބަތްވާ ބޭފުޅެކެވެ.
މޯދީއާއި ވޭންސްގެ ބައްދަލުވުމުގައި ދެގައުމުގެ މެދުގައި ކުރިއަށްދާ ވިޔަފާރީގެ މަޝްވަރާތަކާއި ބެހޭ ގޮތުންނާއި، ދެގައުމުގެ މެދުގައި ހުރި ވިސްނުން އެއްގޮތް އެހެނިގެން ދާއިރާތަކާ ބެހޭ ގޮތުން ދެބޭފުޅުން މަޝްވަރާކުރެއްވިއެވެ. އަދި މި ބައްދަލުވުމަށްފަހު މޯދީވަނީ ވޭންސްއާއި އެމަނިކުފާނުގެ އާއިލާއާއެކު ރޭގަނޑުގެ ފަރިއްކޮޅަށް އިންސާފުކުރައްވާފައެވެ.
އިންޑިއާއަށް ކުރައްވަމުން ގެންދަވާ ދަތުރުފުޅުގައި ވޭންސް މިއަދު ޖައިޕޫރަށް ވަޑައިގަންނަވާނެއެވެ. އަދި މާދަމާ އާގަރާއަށް ވަޑައިގެން، ތާޖް މަހަލްއަށް އާއިލާއާއެކު ޒިޔާރަތްކުރައްވާނެއެވެ.
އިންޑިއާ އިން ރާއްޖެއަށް 1200 ގަސް ހަދިޔާކޮށްފި
ރަސްމާލެ މަޝްރޫއު: ރައްޔިތުންގެ ފެންނަ ނުފެންނަ ވޯޓެއް ނުނަގާނެ
ސުޕްރީމް ކޯޓުގެ ފަނޑިޔާރު ކަމަށް ސަމީރު އަދި ރައޫފް ކުރިމަތިލައްވައިފި
ބަޖެޓު 27: އަންނަ އަހަރު އެންމެ ބޮޑު އެހީ ދޭ ގައުމަކީ އިންޑިއާ
ބޯކޮށް ވާރޭ ވެހޭނެ ކަމަށް ލަފާކޮށް ހަ އަތޮޅަކަށް ޔެލޯ އެލާޓު ނެރެފި
ޅައިމަގަށް ނަގޫ ރޯޅިއެއް އަރާ މީހަކަށް އަނިޔާވެއްޖެ