އަށްހާހަށްވުރެ ގިނަ ދަރިވަރުންނާއެކު މިއަހަރުގެ އެސްއެސްސީ އަދި އޯލެވެލް އިމްތިހާނު ފަށައިފިއެވެ.

އޯލެވެލް ހަދާ ދަރިވަރުންނަށް ކާމިޔާބަށް އެދި ރައީސް ޑރ. މުހައްމަދު މުއިއްޒު މިއަދު އެކްސްގައި ކުރެއްވި ޕޯސްޓެއްގައި ވަނީ އެ އިމްތިހާނުގައި ބައިވެރިވި ދަރިވަރުންނަށް ހިތްހަމަޖެހޭ ފާގަތި ދުވަސްތަކަކަށް އިމްތިހާނުގެ މުއްދަތުވުމަށް އެދިވަޑައިގަންނަވާ ކަމަށް ވިދާޅުވެފައެވެ.

"ތޫނުފިލިކަމާއެކު ފަސޭހައިން ސުވާލުތަކަށް ޖަވާބުދެވުން. ބެލެނިވެރީންނާއި ސްކޫލްތަކުން އުންމީދުކުރާ ފަދަ ރަނގަޅު ނަތީޖާއެއް ހާސިލްވުން،" ރައީސްގެ ޕޯސްޓުގައިވެއެވެ.

އަދި ވިދާޅުވީ ‏އެއިން ކޮންމެ ކުއްޖަކުވެސް އިމްތިހާނުގައި ކާމިޔާބީ ހޯދާ، ގައުމު ފަހުރުވެރިވާނެ ހިދުމަތްތެރި ދަރިއަކަށް ވާނެ ކަމަށެވެ.