މާލޭގެ ދެ ސަރަހައްދެއްގައި ގަވާއިދާ ހިލާފަށް އުޅެމުންދިޔަ ބިދޭސީންތަކެއް މޯލްޑިވްސް އިމިގްރޭޝަނުން އަތުލައިގެންފިއެވެ.

އިމިގްރޭޝަނުން ބަލާ ފާސްކުރީ މާލޭގެ ސޯޝަލް ސެންޓަރު ސަރަހައްދާއި ވިލިމާލެ ފެރީ ޓާމިނަލް ސަރަހައްދެވެ.

އެ އިދާރާ އިން ބުނީ އެ ދެ ސަރަހައްދުގައި ގަވާއިދާ ހިލާފަށް އުޅެމުންދިޔަ 8 ބިދޭސީއަކު ހިފަހައްޓާފައިވާ ކަމަށެވެ.

ބިދޭސީންގެ މައްސަލަ ޙައްލުކުރުމަކީ ސަރުކާރުން ޚާއްސަ އިސްކަމެއް ދީގެން ކުރިއަށްގެންދާ މަސައްކަތެކެވެ. އެ މަސައްކަތުގެ ދަށުން މާލޭގައި ހިންގާ އޮޕަރޭޝަންގެ އިތުރުން މީހުން ދިރިއުޅޭ އެހެން ރަށްރަށާއި ރިސޯޓުތަކާއި ސިނާއީ ރަށްތަކާއި ދަނޑުވެރިކަމަށް ދޫކޮށްފައިވާ ރަށްތަކުގައި ދިރިއުޅޭ ބިދޭސީންގެ މައުލޫމާތު އެއްކުރުމުގެ މަސައްކަތްވެސް ދަނީ ކުރަމުންނެވެ.